U Minsku 30 sakavika prajšła cyrymonija raźvitańnia ź pieršaj biełaruskaj spartyŭnaj žurnalistkaj Ninaj Prakapovič. Jana pamierła ŭ paniadziełak na 87-m hodzie žyćcia.
Prakapovič (tady Jeŭścihniejeva) stajała la vytokaŭ haziety «Fizkulturnik Biełarusi» (ciapier «Spartyŭnaja panarama»), jakaja pačała vychodzić 1 červienia 1951 hoda. Jana była apošnim žyvym siabram pieršaj žurnalisckaj kamandy vydańnia.
«Užo ŭ pieršym numary «FB» prajšła maja natatka ab studenckich spabornictvach — dapamahli maje byłyja adnakurśniki, jakich uziali ŭ štat, — uspaminała Prakapovič u intervju «Spartyŭnaj panaramie» ŭ 2010 hodzie z nahody svajho 80-hodździa. — Haziecie patrebnyja byli žurnalisty, jakija raźbirajucca ŭ sporcie, a takich znajšłosia niašmat. Tak ja stała pieršaj žančynaj — spartyŭnaj žurnalistkaj. Tolki praź dziasiatak hadoŭ u moładzievuju hazietu «Čyrvonaja źmiena» pryjšła Faina Trachtenbierh, paźniej Ancipava (budučy pieršy prezident Biełaruskaj asacyjacyi spartyŭnaj presy). Tak doŭhi čas tolki ŭdvaich, u roznych vydańniach, my pisali pra sport. Ciapier dziaŭčat stała našmat bolš, choć i ciapier spartyŭnaj žurnalistykaj kamandujuć mužčyny».
U lutym hetaha hoda na 80-m hodzie žyćcia pamior jašče adzin vieteran biełaruskaj spartyŭnaj žurnalistyki Viačasłaŭ Dutaŭ, jaki z 1965 hoda pracavaŭ u infarmacyjnym ahienctvie BiełTA.
