Padčas zatrymańnia nakładu «Viciebskaha kurjera» ŭ Ščukina zdaryŭsia sardečny prystup.
24 krasavika prykładna a 20‑j hadzinie na ŭskrajku Viciebsku milicyjanty zatrymali nakład hazety «Viciebski kurjer M».
Jak vyśvietliłasia, rejsavy aŭtobus sa Smalensku, na jakim pieravozili hazetu, da abłasnoha centru supravadžała mašyna ź milicyjantami. Na pieršym ža prypynku ŭ horadzie ludzi ŭ formie kinulisia kanfiskoŭvać vydańnie. Pavodle śviedak, heta vyhladała davoli brutalna. Padčas zachopu parvali valizu ŭ Valeryja Ščukina. U momant sutyknieńnia jamu stała drenna. Pryjšłosia vyklikać «chutkuju dapamohu», jakaja adviezła viadomaha pravaabaroncu i žurnalista ŭ 2‑iu haradskuju balnicu. Ciapier jon ź vielmi vysokim ciskam i sardečnym prystupam znachodzicca ŭ adździaleńni kardyjałohii.
Bolšuju častku nakłada dastavili ŭ Kastryčnicki RAUS. Astatniuju, jakaja była ŭ lehkaviku supracoŭnika redakcyi Aleha Barščeŭskaha, pierachapili na vulicach horada supracoŭniki DPS.
U RAUS byli pieraličanyja ŭsie asobniki vydańnia, kolkaść jakich adpaviadała zamoŭlenamu tyražu.
Pa słovach pradstaŭnikoŭ redakcyi, milicyjanty składajuć pratakoł pa častcy 2 artykuła 22.9 KoAP Respubliki Biełaruś, jaki praduhledžvaje pakarańnie za «parušieńnie vyznačanaha paradku rassyłańnia abaviazkovych biaspłatnych paasobnikaŭ peryjadyčnych drukavanych vydańniaŭ, raspaŭsiud eratyčnych vydańniaŭ, apublikavańnia srodkam masavaj infarmacyi abviaržeńniaja, a taksama raspaŭsiud… biez vychodnych dadzienych». Nivodnaha z padobnych parušeńniaŭ redakcyja nie zrabiła.
«Viciebski kurjer M» z‑za pieraškodaŭ miascovych uładaŭ nie vychodziŭ niekalki miesiacaŭ. Niahledziačy na toje, što redakcyja maje pamiaškańnie, joj kateharyčna admaŭlajuć u jurydyčnym adrasie. A pieršy paśla pierapynku nakład aryštavali.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ11
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary