Homielski aktyvist Kanstancin Žukoŭski vyklikaŭ milicyju paśla admovy supracoŭnika KDB dać knihu skarhaŭ.
Jak paviedamiŭ BiełaPAN K.Žukoŭski, 29 krasavika jon razam z druhim aktyvistam, Andrejem Cianiutam, pryjechaŭ va UKDB, kab zabrać kampjuter i inšyja rečy apošniaha, kanfiskavanyja pry vobysku ŭ vieraśni 2007 hoda.
U adnosinach da A.Cianiuty była raspačata kryminalnaja sprava za ŭdzieł u dziejnaści niezarehistravanaj arhanizacyi "Małady front". U chodzie vobysku ŭ aktyvista apazicyi kanfsikavany kampjuter i ŭłasnyja rečy. 25 krasavika A.Cianiutu paviedamili, što vytvorčaść pa kryminalnaj spravie ŭ adnosinach da jaho spyniena i jon moža zabrać kampjuter.
"Kali my pryjechali ŭ kamitet, kab padać zajavu i va ŭstanoŭlenym paradku zabrać kampjuter, supracoŭniki KDB admovilisia rehistravać zajavu Cianiuty. Ja patrabavaŭ knihu skarhaŭ. Supracoŭnik kamiteta admoviŭ mnie ŭ prośbie i skazaŭ, što KDB nie krama. Knihu skarhaŭ pavinny pradjaŭlać pa pieršym patrabavańni, tamu, kab adnavić zakonnaść i spraviadlivaść, ja vyklikaŭ milicyju", — skazaŭ K.Žukoŭski.
Pavodle jaho słoŭ, milicyjaniery, jakija prybyli pa vykliku, abaviazali supracoŭnikaŭ KDB dać knihu skarhaŭ, dzie A.Cianiuta zrabiŭ zapis ab tym, što jaho zajavu admovilisia rehistravać. Bližejšym časam aktyvist maje namier paŭtaryć sprobu zarehistravać zajavu.
Zahinuŭ biełaruski dobraachvotnik Vasil «Dzir» Rapicki10
Kamientary