Biełteleradyjokampanija nie suprać praviadzieńnia adkrytych teledebataŭ pa prablemie palityčnych źniavolenych u Biełarusi.
Jak paviedamiŭ BiełaPAN były advakat Alaksandra Kazulina Ihar Rynkievič, taki adkaz na svoj zvarot jon atrymaŭ ad staršyni Biełteleradyjokampanii Alaksandra Zimoŭskaha.
Pavodle słoŭ I.Rynkieviča, anałahičny zvarot jon nakiravaŭ taksama ministru ŭnutranych spraŭ Uładzimiru Navumavu. Heta było vyklikana zajavaj U.Navumava ab tym, što ŭ Biełarusi niama palityčnych źniavolenych.
«My, jurysty i pravaabaroncy, chočam dakazać ministru ŭnutranych spraŭ, što heta nie tak», — zaznačyŭ I.Rynkievič.
«Alaksandr Zimoŭski nie suprać pravieści takoje mierapryjemstva, adnak dla aznajamleńnia jamu patrebny materyjały kryminalnaj spravy A.Kazulina. Hetyja materyjały jamu moža dać U.Navumaŭ, ad jakoha adkazu na našu inicyjatyvu pakul niama. Sa svajho boku ja hatovy dać materyjały abarony Kazulina», — skazaŭ I.Rynkievič.
I.Rynkievič paviedamiŭ, što zvarot U.Navumavu jon nakiravaŭ 25 sakavika. Takim čynam, zakončyŭsia miesiac, jaki, zhodna z zakonam, advodzicca na razhlad zvarotaŭ hramadzian.
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ7
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1818
Kamientary