Белтэлерадыёкампанія не супраць правядзення адкрытых тэледэбатаў па праблеме палітычных зьняволеных у Беларусі.
Як паведаміў БелаПАН былы адвакат Аляксандра Казуліна Ігар Рынкевіч, такі адказ на свой зварот ён атрымаў ад старшыні Белтэлерадыёкампаніі Аляксандра Зімоўскага.
Паводле слоў І.Рынкевіча, аналагічны зварот ён накіраваў таксама міністру ўнутраных спраў Уладзіміру Навумаву. Гэта было выклікана заявай У.Навумава аб тым, што ў Беларусі няма палітычных зняволеных.
«Мы, юрысты і праваабаронцы, хочам даказаць міністру ўнутраных спраў, што гэта не так», — зазначыў І.Рынкевіч.
«Аляксандр Зімоўскі не супраць правесці такое мерапрыемства, аднак для азнаямлення яму патрэбны матэрыялы крымінальнай справы А.Казуліна. Гэтыя матэрыялы яму можа даць У.Навумаў, ад якога адказу на нашу ініцыятыву пакуль няма. Са свайго боку я гатовы даць матэрыялы абароны Казуліна», — сказаў І.Рынкевіч.
І.Рынкевіч паведаміў, што зварот У.Навумаву ён накіраваў 25 сакавіка. Такім чынам, закончыўся месяц, які, згодна з законам, адводзіцца на разгляд зваротаў грамадзян.
Цяпер чытаюць
«На такую х**ню павялася». Расіянка прыехала з Сібіры ў Беларусь і цяпер з мацюкамі расказвае, як тут складана жыць21
Каментары