Dvuchhadovaje dzicia ŭ amierykanskim horadzie Miłuoki (štat Viskonsin) vypadkova zastreliła svaju maci sa znojdzienaha ŭ mašynie pistaleta, paviedamlaje Wisn.com.
Trahičny vypadak adbyŭsia, kali 26-hadovaja Patrys Prajs kiravała aŭto na adnoj z haradskich vulic. Mały, jaki znachodziŭsia na zadnim siadzieńni, znajšoŭ zaradžany pistalet i vypadkova spuściŭ kurok. Kula prabiła kiroŭčaje kresła, u jakim siadzieła Prajs, śmiarotna paraniŭšy žančynu ŭ śpinu. Jana pamierła na miescy. Maci Prajs i jaje jašče adzin adnahadovy syn, jakija taksama znachodzilisia ŭ hety momant u mašynie, nie paciarpieli.
Adznačajecca taksama, što ŭ momant incydentu žančyna była za rulom aŭtamabila svajho maładoha čałavieka, jaki pracuje achoŭnikam. Mienavita jon zabyŭsia na zadnim siadzieńni svoj pistalet.
Pierad śmierciu žančyna zmahła spynić mašynu na abočynie. U jaje zastałosia troje dziaciej.
