Biełaruś z 1 studzienia 2016 hoda maje padstavy płacić bolš nizkuju canu na haz, čym abjaŭlaje «Hazprom Transhaz Biełaruś». Ab hetym zajaviŭ žurnalistam namieśnik premjer-ministra Uładzimir Siamaška ŭ čas adkryćcia Biełaruskaha pramysłovaha forumu.
«Z 1 studzienia hetaha hoda my majem usie padstavy, kab našy subjekty haspadarańnia mieli bolš nizkuju canu, čym nam pradjaŭlaje subjekt haspadarańnia Biełarusi sa statusam zamiežnaha pradpryjemstva «Hazprom Transhaz Biełaruś», - skazaŭ Uładzimir Siamaška. Havoračy ab abhruntavanaści cany na rasijski haz, vice-premjer padkreśliŭ, što heta pytańnie ŭzajemaadnosin subjektaŭ haspadarańnia. «Ja nie viedaju, čamu ciapier taki ažyjataž. Heta adnosiny našych abłhazaŭ z AAT «Hazprom Transhaz Biełaruś». «Hazprom Transhaz Biełaruś» padaŭ u arbitražny sud pry Biełaruskaj handlova-pramysłovaj pałacie, ličačy, što abłhazy krychu niedapłačvajuć za toj haz, jaki my atrymlivajem z 1 studzienia 2016 hoda. Ale našy halinoviki ličać, što jany robiać absalutna pravilna i karektna, tamu što ŭ nas padpisana cełaja sistema pahadnieńniaŭ na ŭzroŭni ŭradaŭ dźviuch krain», — padkreśliŭ Uładzimir Siamaška.
Razmova idzie ab pahadnieńni ad 2010 hoda ab paradku dostupu da pasłuh peŭnych manapolij, pahadnieńni ad 2011 hoda ab paradku farmiravańnia cen na pryrodny haz u Biełarusi i dahavory ad 29 maja 2014 hoda ab stvareńni JEAES. «Tam usio dakładna raśpisana - kali, što, jakija ceny dziejničajuć, jakija padychody da farmiravańnia hetych cen jość», — kanstatavaŭ vice-premjer.
Raniej Uładzimir Siamaška vykazaŭ mierkavańnie, što jość istotnyja padstavy dla źnižeńnia cany na rasijski haz u 2016 hodzie. Heta pytańnie 26 lutaha prakamienciravaŭ žurnalistam i ministr enierhietyki Biełarusi Uładzimir Patupčyk. «Idzie surjoznaja rabota z rasijskim bokam pa hetym pytańni», - adznačyŭ ministr.
Toje, što kansultacyi pa skidcy na haz dla Biełarusi buduć pradoŭžany, u kancy lutaha paćvierdziŭ žurnalistam kiraŭnik Minenierha Rasii Alaksandr Novak.
Kamientary