Ekśpiert: Farmiravańniem palityki ZŠA ŭ adnosinach da Biełarusi zajmajecca Pientahon

Važnaść naładžvańnia pramoha dyjałohu Biełarusi z ZŠA abumoŭlenaja rostam vajennaj prysutnaści kala biełaruskich miežaŭ. Takuju dumku vykazaŭ žurnalistam staršy navukovy supracoŭnik Džejmstaŭnskaha fondu (ZŠA) Uładzimir Sokar 5 maja ŭ miežach kanfierencyi «Minski dyjałoh — asensavańnie mižnarodnaj biaśpieki Biełarusi».

Jon zaznačyŭ, što va ŭradzie ZŠA vielmi mała ludziej zajmajecca biełaruskaj tematykaj, «bo na źniešniepalityčnym paradku dnia heta adno z najmienšych pytańniaŭ».

«Farmiravańniem palityki ŭ adnosinach da Biełarusi zajmajecca Pientahon, ale heta nie tamu, što my razhladajem Biełaruś z vajennaha punktu hledžańnia, a tamu, što my prymajem da ŭvahi zakłapočanaść krainy, uličvajučy jaje stanovišča na styku intaresaŭ dvuch vajenna-palityčnych błokaŭ», — skazaŭ amierykanski daśledčyk.

U suviazi z hetym Sokar zhadaŭ niadaŭni vizit u Minsk pradstaŭnika Pientahona Majkła Karpientera (namieśnik pamočnika ministra abarony ZŠA Majkł Karpienter naviedaŭ Biełaruś 28—30 sakavika), asabliva adznačyŭšy toj fakt, što jaho pryniaŭ asabista Alaksandr Łukašenka, «niahledziačy na toje, što pa pratakole jon nie pavinien byŭ prymać słužbovuju asobu ZŠA padobnaha ranhu». «Sam fakt taho, što jon [Karpienter] byŭ pryniaty prezidentam, aznačaje, što Biełaruś choča naładzić z Vašynhtonam pramy kantakt», — ličyć daśledčyk. Na jaho dumku, «usio bolšaja važnaść padobnaha niepasrednaha dyjałohu vynikaje z taho, što źjaŭlajecca ŭsio bolš vajennaha kantynhientu, raźmieščanaha kala miežaŭ Biełarusi z abodvuch bakoŭ».

U hetaj situacyi vielmi važna, kab Biełaruś zachoŭvała niejtralitet i bałans pamiž dvuma błokami, padkreśliŭ amierykanski ekśpiert. «Havoračy pra niejtralitet, ja maju na ŭvazie toje, što na terytoryi Biełarusi niama raźmieščanych bajavych adzinak, jakija prymusili b pamiežnyja dziaržavy adčuvać pahrozu», — rastłumačyŭ Sokar.

«Važna razumieć, što čas ekspartu demakratyj, kalarovych revalucyj i źmieny režymaŭ užo prajšoŭ, — zajaviŭ daśledčyk. — Zachad, narešcie, aprytomnieŭ, nastupaje razumieńnie taho, što važna pavažać vybar kožnaj krainy na jaje šlachu da suvierenitetu.

Ciapier na Zachadzie ŭsio bolš razumiejuć, što kamieniem spatyknieńnia ŭ stanaŭleńni dziaržaŭnaści i niezaležnaści źjaŭlajecca stabilnaść». «Heta asabliva paćviardžajecca situacyjaj va Ukrainie, i hetaha razumieńnia zachodnim palitykam nie chapała na praciahu apošnich dziesiaci hadoŭ», — dadaŭ ekśpiert Džejmstaŭnskaha fondu.

Mižnarodnaja kanfierencyja «Minski dyjałoh: asensavańnie mižnarodnaj biaśpieki Biełarusi» arhanizavanaja biełaruskaj ekśpiertnaj hrupaj «Minski dyjałoh» pry padtrymcy Džejmstaŭnskaha fondu (ZŠA) i fondu imia Adenaŭera (Hiermanija). U forumie ŭdzielničajuć niekalki dziasiatkaŭ ekśpiertaŭ ź Biełarusi, ZŠA i jeŭrapiejskich krain.

• 0
• 0
• 0
• 0
• 0
• 0
• 0
• 0