Svarka zaviazałasia padčas pieršamajskaj demanstracyi ŭ rasijskim Sankt-Pieciarburhu ŭ rajonie stancyi «Majakoŭskaja»: zaaabaroncy paprasili prybrać simvoliku ŁHBT z-za vusnaj zabarony palicyi, ale ŁHBT-aktyvisty apuścić ściahi admovilisia, spasłaŭšysia na toje, što viasiołkavy ściah u Rasii nie zabaronieny.
Tady adzin z pradstaŭnikoŭ błoka zialonych vychapiŭ ściah z ruk hiej-aktyvistaŭ i pierałamaŭ dreŭka napałam. Šumam zacikaviłasia palicyja, jakaja zabrała čatyroch demanstrantaŭ ź viasiołkavym ściaham u aŭtazak.
Arhanizatar akcyj pieciarburhskaj ŁHBT-supolnaści Volha Bachajeva patłumačyła zdareńnie niežadańniem apynucca ŭ aŭtazaku z boku pradstaŭnika abaroncaŭ pryrody: «Vinavaty Smolny, jaki pastaviŭ nas va ŭmovy, pry jakich mohuć razburycca adnosiny pamiž sajuźnikami».
@BpaHcku
Zialonyja i «viasiołkavyja» išli ŭ składzie adnoj kałony niezaležnych prafsajuzaŭ. U zialonym błoku akazalisia takija arhanizacyi, jak «Vita», viehietaryjancy, «Pryhožy Pieciarburh», «Musora.Bolšie.Niet» i pradstaŭniki ŁHBT-ruchu.