Łukašenka daručyŭ rychtavać bolš IT-śpiecyjalistaŭ: «Kosmas, AES, najnoŭšyja technałohii — za imi budučynia»
Pry aptymizacyi praftechadukacyi važna bolš ciesna ŭviazać navučańnie z vytvorčaściu, zajaviŭ siońnia Alaksandr Łukašenka, naviedvajučy Minski matorny zavod.
Fota president.gov.by
Kiraŭnik dziaržavy padkreśliŭ, što Biełaruś źjaŭlajecca praktyčna adzinaj na postsavieckaj prastory krainaj, jakaja ŭ takim abjomie zachavała praftechadukacyju. Ciapier mnohija sprabujuć adnavić takuju sistemu, ale praces hety niaprosty, patrabuje času i hrošaj.
Pracaŭniki Minskaha matornaha zavoda pacikavilisia ŭ Alaksandra Łukašenki, što treba, kab pavysić status rabočych śpiecyjalnaściej. U suviazi z hetym Alaksandr Łukašenka adznačyŭ: «Kab pavysić status luboj prafiesii, treba stvaryć dastojnaje rabočaje miesca dla čałavieka i płacić jamu toje, što jon zarablaje. Budzie rabočaje miesca i dobraja zarpłata — luby małady čałaviek pojdzie i budzie pracavać».
Pry hetym Łukašenka zasiarodziŭ uvahu na jakaści praftechadukacyi. Na jaho dumku, vielmi važna dla budučaha śpiecyjalista praktyčna štodzień byvać na vytvorčaści i nabyvać pieršyja navyki svajoj śpiecyjalnaści jašče ŭ čas vučoby. Niaŭchilnaje patrabavańnie Łukašenki pry padrychtoŭcy lubych śpiecyjalistaŭ — uličvać ich dalejšuju zapatrabavanaść u narodnaj haspadarcy. Pavinna być dakładnaja aryjentacyja na nieabchodnuju kolkaść śpiecyjalistaŭ, upeŭnieny Alaksandr Łukašenka.
Što datyčycca vyšejšaj adukacyi, to ciapier usio bolš zapatrabavanymi stanoviacca śpiecyjalisty ŭ novych napramkach. «IT-technałohii, kosmas, AES, najnoŭšyja technałohii — za imi budučynia. Adpaviedna dla hetych śfier my budziem bolš rychtavać śpiecyjalistaŭ», — skazaŭ jon.
Razam z hetym kiraŭnik dziaržavy vykazaŭ mierkavańnie, što vielmi važnymi i zaŭsiody zapatrabavanymi zastajucca rabočyja śpiecyjalnaści: «Rabočyja śpiecyjalnaści — heta asnova ŭsiaho, tamu mnoju pastaŭlena zadača aptymizavać praftechadukacyju, źniać usio lišniaje ŭ hetaj sistemie navučańnia. Pry hetym patrebna bolš ciesnaja, efiektyŭnaja suviaź z vytvorčaściu».
-
Šamietaviec: Paśla źniknieńnia ni Mielnikava, ni ad jaje imia na «Kibierpartyzanaŭ» nie vychodzili. Jana nie maje čym nas šantažavać
-
Zianon Paźniak: Zaraz intaresy režymu ŭ niejkaj stupieni supadajuć z nacyjanalnymi intaresami
-
«Kibierpartyzany»: Nie treba raździmać paniku, što režym usio moža ŭzłamać, pračytać, pra ŭsio daviedacca. Nie, nie moža
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary