Лукашэнка даручыў рыхтаваць больш ІТ-спецыялістаў: «Космас, АЭС, найноўшыя тэхналогіі — за імі будучыня»
Пры аптымізацыі прафтэхадукацыі важна больш цесна ўвязаць навучанне з вытворчасцю, заявіў сёння Аляксандр Лукашэнка, наведваючы Мінскі маторны завод.
Фота president.gov.by
Кіраўнік дзяржавы падкрэсліў, што Беларусь з'яўляецца практычна адзінай на постсавецкай прасторы краінай, якая ў такім аб'ёме захавала прафтэхадукацыю. Цяпер многія спрабуюць аднавіць такую сістэму, але працэс гэты няпросты, патрабуе часу і грошай.
Працаўнікі Мінскага маторнага завода пацікавіліся ў Аляксандра Лукашэнкі, што трэба, каб павысіць статус рабочых спецыяльнасцей. У сувязі з гэтым Аляксандр Лукашэнка адзначыў: «Каб павысіць статус любой прафесіі, трэба стварыць дастойнае рабочае месца для чалавека і плаціць яму тое, што ён зарабляе. Будзе рабочае месца і добрая зарплата — любы малады чалавек пойдзе і будзе працаваць».
Пры гэтым Лукашэнка засяродзіў увагу на якасці прафтэхадукацыі. На яго думку, вельмі важна для будучага спецыяліста практычна штодзень бываць на вытворчасці і набываць першыя навыкі сваёй спецыяльнасці яшчэ ў час вучобы. Няўхільнае патрабаванне Лукашэнкі пры падрыхтоўцы любых спецыялістаў — улічваць іх далейшую запатрабаванасць у народнай гаспадарцы. Павінна быць дакладная арыентацыя на неабходную колькасць спецыялістаў, упэўнены Аляксандр Лукашэнка.
Што датычыцца вышэйшай адукацыі, то цяпер усё больш запатрабаванымі становяцца спецыялісты ў новых напрамках. «ІТ-тэхналогіі, космас, АЭС, найноўшыя тэхналогіі — за імі будучыня. Адпаведна для гэтых сфер мы будзем больш рыхтаваць спецыялістаў», — сказаў ён.
Разам з гэтым кіраўнік дзяржавы выказаў меркаванне, што вельмі важнымі і заўсёды запатрабаванымі застаюцца рабочыя спецыяльнасці: «Рабочыя спецыяльнасці — гэта аснова ўсяго, таму мною пастаўлена задача аптымізаваць прафтэхадукацыю, зняць усё лішняе ў гэтай сістэме навучання. Пры гэтым патрэбна больш цесная, эфектыўная сувязь з вытворчасцю».
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары