Kiraŭnictva Biełarusi vyjšła na śviatkavańnie Dnia Pieramohi ŭ Minsku sa stužkami ź jabłynievym ćvietam. U stužcy koleraŭ dziaržaŭnaha ściaha byŭ Alaksandr Łukašenka. Kiraŭniki abłvykankamaŭ taksama źjavilisia na ŭračystaściach z «jabłynievym ćvietam» na adzieńni.
Varta adznačyć, što ŭ takich stužkach było nie tolki čynavienstva, ale i absalutnaja bolšaść vieteranaŭ, što pryjšli na parad.
Butańjerki ź jabłynievym ćvietam byli prymacavanyja i da vopratki inšych udzielnikaŭ śviatkavańnia.
Tym nie mienš, varta adznačyć, što ludzi z hieorhijeŭskimi stužkami ŭsio ž sustrakajucca ŭ Minsku. Razdačaj takich simvałaŭ zajmajecca arhanizacyja «Ruś maładaja».
Hieorhijeŭskaja stužka stała simvałam rasijskaj ahresii na ŭschodzie Ukrainy. U vyniku svaje ŭnikalnyja stužki Pieramohi byli stvoranyja jak u Biełarusi, hetak i ŭ Kazachstanie.
Haradskija ŭłady Babrujska sioleta ŭvohule nie rekamiendavali vykarystoŭvać hieorhijeŭskija stužki i rasijskija ściahi padčas aŭtaprabiehu da Dnia Pieramohi.