Mišel Płacini sychodzić u adstaŭku z pasady prezidenta UEFA paśla niaŭdałaj apielacyi na adchileńnie ad pracy ŭ futbole. Pra heta paviedamlaje AFP.
«Pavodle damoŭlenaści z nacyjanalnymi futbolnymi asacyjacyjami ja sychodžu z pasady prezidenta UEFA, kab pačać baraćbu ŭ šviejcarskich sudach za dokaz svajoj sumlennaści», — cytuje ahienctva Płacini.
9 maja Spartyŭny arbitražny sud źniziŭ z šaści da čatyroch hadoŭ termin adchileńnia Płacini ad pracy ŭ futbole.
Heta rašeńnie aznačaje, što Płacini nie zmoža aficyjna ŭdzielničać u Čempijanacie Jeŭropy, jaki pačynajecca 10 červienia ŭ Francyi. Jon byŭ hałoŭnym arhanizataram mierapryjemstva da pačatku karupcyjnaha skandału ŭ FIFA
Prezident FIFA Jozef Błater i kiraŭnik UEFA Mišel Płacini byli časova adchilenyja ad futbolnaj dziejnaści ŭ kastryčniku 2015 hoda. U śniežni Arbitražnaja pałata kamiteta pa etycy FIFA adchiliła abodvuch ad futboła na vosiem hadoŭ. U lutym termin byŭ skaročany da šaści hadoŭ.
Rasśledavańnie ŭ dačynieńni da kiraŭnikoŭ FIFA i UEFA było vyklikana 2 miljonami šviejcarskich frankaŭ, jakija Błater pieraličyŭ Płacini ŭ 2011 hodzie, niezadoŭha da svajho pieraabrańnia na pasadu prezidenta FIFA. Abodva fihuranty kateharyčna adchilili abvinavačvańni ŭ karupcyi. Pavodle ich słovaŭ, heta była płata Płacini za jaho pracu daradcam Błatera ŭ 1998—2002 hh.
Kamientary