Urad Vieniesueły pryniaŭ rašeńnie padoŭžyć da kanca maja režym skaročanaha da dvuch dzion pracoŭnaha tydnia dla rabotnikaŭ biudžetnaj śfiery.
U škołach taksama ŭviedzieny skaročany vučebny tydzień — z paniadziełka pa čaćvier.
Ułady pajšli na skaračeńnie pracoŭnaha času ŭ krasaviku ŭ suviazi z enierhietyčnym kryzisam u krainie.
Z-za praciahłaj zasuchi hidraelektrastancyi krainy nie mohuć pracavać na poŭnuju mahutnaść.
U vyniku ŭ krainie pačalisia adklučeńni elektryčnaści, a ŭ minułuju niadzielu było pryniata rašeńnie pieravieści hadzińnik na paŭhadziny napierad dla ekanomii elektraenierhii.
Anałahičny enierhietyčny kryzis praz zasuchu zdaryŭsia ŭ krainie ŭ 2010 hodzie. Tady prezident Uha Čavies byŭ vymušany uvieści nadzvyčajnaje stanovišča.
Ciapierašni kryzis adbyvajecca na fonie skaračeńnia ekanamičnaha rostu praź nizkija ceny na naftu. Apazicyja abvinavačvaje ŭłady ŭ niaŭmiełym kiravańni krainaj.
