Siońnia kiraŭnictva niepryznavanaha biełaruskimi ŭładami Sajuzu palakaŭ Biełarusi na čale z Anžalikaj Borys ŭračysta adznačyła polskaje nacyjanalnaje śviata - Dzień Kanstytucyi 3 traŭnia.
Kiraŭnictva “apazicyjnaha” Sajuza palakaŭ Biełarusi nie afišavała svaju padrychtoŭku da śviata. Jak paviedamiŭ aktyvist arhanizacyi – hałoŭny redaktar časopisa “Magazyn Polski na uchodzstwie” Andrej Pačobut, na mierapryjemstva admysłova byŭ zaprošany sienatar Rečy Paspalitaj Źbihnieŭ Ramašeŭski. Jon pravioŭ sustrečy z Anžalikaj Borys i ŭ Hienieralnym konsulstvie Rečy Paspalitaj u Hrodnie.
Napiaredadni maršałak polskaha sienatu Bahdan Barusievič zajaviŭ, što adnoj z hałoŭnych umovaŭ papraŭki stasunkaŭ pamiž Polščaj i Biełaruśsiu źjaŭlajecca pryznańnie aficyjnym Mienskam kiraŭnictva Sajuza palakaŭ na čale z Anžalikaj Borys.
Z nahody Dnia kanstytucyi treciaha traŭnia ŭ Farnym kaściole Hrodna a 19-j hadzinie budzie adpraŭlena ŭračystaja imša z udziełam katalickaj intelihiencyi Hrodna, zaprošanych haściej z Polščy i aktyvistaŭ Sajuza palakaŭ Biełarusi.
Vacłaŭ Halimski, pahonia.promedia.by
