Сёння кіраўніцтва непрызнаванага беларускімі ўладамі Саюзу палякаў Беларусі на чале з Анжалікай Борыс ўрачыста адзначыла польскае нацыянальнае свята - Дзень Канстытуцыі 3 траўня.
Кіраўніцтва “апазіцыйнага” Саюза палякаў Беларусі не афішавала сваю падрыхтоўку да свята. Як паведаміў актывіст арганізацыі – галоўны рэдактар часопіса “Magazyn Polski na uchodzstwie” Андрэй Пачобут, на мерапрыемства адмыслова быў запрошаны сенатар Рэчы Паспалітай Збігнеў Рамашэўскі. Ён правёў сустрэчы з Анжалікай Борыс і ў Генеральным консульстве Рэчы Паспалітай у Гродне.
Напярэдадні маршалак польскага сенату Багдан Барусевіч заявіў, што адной з галоўных умоваў папраўкі стасункаў паміж Польшчай і Беларуссю з’яўляецца прызнанне афіцыйным Менскам кіраўніцтва Саюза палякаў на чале з Анжалікай Борыс.
З нагоды Дня канстытуцыі трэцяга траўня ў Фарным касцёле Гродна а 19-й гадзіне будзе адпраўлена ўрачыстая імша з удзелам каталіцкай інтэлігенцыі Гродна, запрошаных гасцей з Польшчы і актывістаў Саюза палякаў Беларусі.
Вацлаў Галімскі, pahonia.promedia.by
Цяпер чытаюць
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1313
Каментары