U kancy nastupnaha tydnia prezident Rasii Uładzimir Pucin adpravicca ź vizitam u Hrecyju.
Heta budzie jaho pieršy ź listapada minułaha hoda vizit u Jeŭrasajuz, pieradaje RBK sa spasyłkaj na słovy čynoŭnikaŭ, znajomych z chodam padrychtoŭki pajezdki.
U Afiny Pucin prybudzie 27 maja, vizit pradoŭžycca dva dni, udakładniŭ adzin ź ich.
Pra padrychtoŭku hetaj pajezdki aficyjnyja asoby Rasii i Hrecyi havorać ź viasny.
Adznačajecca, što vizit Pucina ŭ Hrecyju pierapynić doŭhuju paŭzu ŭ jaho pajezdkach u zachodnija krainy. Apošni raz u krainy Jeŭrapiejskaha sajuza, u jaki ŭvachodzić Hrecyja, Pucin pryjazdžaŭ 30 listapada minułaha hoda, kali jon uziaŭ udzieł u kanfierencyi AAN pa klimacie ŭ Paryžy.
Novych vizitaŭ Pucina ŭ krainy ES u hetym paŭhodździ nie płanujecca, skazali dva surazmoŭcy, blizkich da MZS i administracyi prezidenta RF. Adzin ź ich udakładniŭ, što niechta ź jeŭrapiejskich lidaraŭ moža naviedać u červieni Pieciarburhski mižnarodny ekanamičny forum, u jakim paŭdzielničaje Pucin.
