У канцы наступнага тыдня прэзідэнт Расіі Уладзімір Пуцін адправіцца з візітам у Грэцыю.
Гэта будзе яго першы з лістапада мінулага года візіт у Еўрасаюз, перадае РБК са спасылкай на словы чыноўнікаў, знаёмых з ходам падрыхтоўкі паездкі.
У Афіны Пуцін прыбудзе 27 мая, візіт прадоўжыцца два дні, удакладніў адзін з іх.
Пра падрыхтоўку гэтай паездкі афіцыйныя асобы Расіі і Грэцыі гавораць з вясны.
Адзначаецца, што візіт Пуціна ў Грэцыю перапыніць доўгую паўзу ў яго паездках у заходнія краіны. Апошні раз у краіны Еўрапейскага саюза, у які ўваходзіць Грэцыя, Пуцін прыязджаў 30 лістапада мінулага года, калі ён узяў удзел у канферэнцыі ААН па клімаце ў Парыжы.
Новых візітаў Пуціна ў краіны ЕС у гэтым паўгоддзі не плануецца, сказалі два суразмоўцы, блізкіх да МЗС і адміністрацыі прэзідэнта РФ. Адзін з іх удакладніў, што нехта з еўрапейскіх лідараў можа наведаць у чэрвені Пецярбургскі міжнародны эканамічны форум, у якім паўдзельнічае Пуцін.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда20
Каментары