Kanadskija navukoŭcy abvierhli raspaŭsiudžany stereatyp pra toje, što čym bolš seksu, tym lepš dla zdaroŭja.

U časopisie Social Psychological and Personality Science jany davodziać, što ŭsiamu jość miažy, i hety optymum — seks nie čaściej, jak raz na tydzień.
Troje śpiecyjalistaŭ padčas daśledavańniaŭ apytali bolš za 30 tysiač čałaviek, vyśvietliŭšy nie tolki husty i pieravahi, ale i rehularnaść zaniatkaŭ seksam i ŭpłyŭ kolkaści na jakaść. Była zroblena vysnova, što bolš za astatnich pytańnie pra kolkaść seksu chvaluje ludziej, jakija znachodziacca ŭ praciahłych adnosinach abo šlubie, bo mienavita jany ličać, što asnova siamiejnaha ščaścia — časty i rehularny seks.
Emi Ḿjuz (Amy Muise), Ulrych Šymak (Ulrich Schimmack) i Emili Impet (Emily A. Impett) dla nastupnych etapaŭ daśledavańnia adabrali tolki tych, chto viadzie rehularnaje pałavoje žyćcio z pastajannym partnioram. Voś tut i vyjavili załatuju formułu ščaślivych adnosin — seks raz na tydzień. Bolš časty seks moža pieratvaryć zadavalnieńnie ŭ rucinu, a bolš redki — vykliča niespakoj za tryvałaść šlubu.
Kamientary