Čamu žančyny mienš naradžajuć? Adna z pryčyn — davoli prahmatyčnaja
Raniej ekanamist Leŭ Lvoŭski sprahnazavaŭ: kali trend na nizkuju naradžalnaść nie źmienicca, u Biełarusi zastaniecca prykładna 3 miljony čałaviek. Čamu žančyny ŭsio mienš naradžajuć?
Jak zaŭvažaje doktar Andruś Biełavieškin u novym vypusku TOKu, trend na źmianšeńnie naradžalnaści pačaŭsia stahodździe tamu i hetamu jość tłumačeńnie:
«Ja dumaju, što heta takaja samarehulacyja papulacyi. Tamu što asabliva paśla Druhoj suśvietnaj vajny ŭsie pačali naradžać mienš. I adno z pytańniaŭ — tamu što dzieci pierastali być ekanamična vyhadnymi. Tamu što, kali my kažam pra niejkija archaičnyja hramadstvy, dzieci — heta vyhadna. Jany pracujuć, prynosiać hrošy. Mieć šmat dziaciej — heta dobra, heta šlach da bahaćcia.
Zaraz heta šlach da biednaści, tamu što jany tolki adymajuć hrošy i ničoha ŭzamien nie viartajuć. Tamu, akramia ŭsiaho, tut jość vidavočnaje ekanamičnaje pytańnie, jakoje isnuje.
Atrymoŭvajecca, što zaraz tolki davoli bahatyja ludzi i biednyja bolš zavodziać dziaciej. Tamu što adnyja mohuć, a druhim heta vyhadna z-za dapamoh, [jakija vypłačvajucca] jak u jeŭrapiejskich krainach. Jany na hetym mohuć zarabić, u niejkim sensie».
Kali ž havaryć pra sučasnuju Biełaruś, to, na dumku Biełavieškina, padzieńnie naradžalnaści tłumačycca psichałahičnym stanam hramadstva va ŭmovach palityčnaj niestabilnaści:
«U časy stresu naradžać nielha. Tamu surjozny psichałahičny stres moža pryvodzić da infiertylnaści — niemahčymaści zaciažaryć. I heta narmalnaja bijałahičnaja reakcyja. Nienarmalna z punktu hledžańnia bijałohii, kali budučaje takoje niezrazumiełaje i niebiaśpiečnaje, ciažaryć».
Ciapier čytajuć
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka11
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary
Nie za ŭsich, a za siabie chaj adkaža, čamu jašče nie ciažarnaja.
Naturalna, 'sielektarnaje savieščanije pa nadojam'¡
Vy ach√€li, daražeńkija? Mo lepš pahladzieć na siabie (mužčynam) dy na hramadstva, dzie dziaŭčo mierkavana maje stać ci nie śvinamatkaju?
Vajna na miažy, tam chapajuć za kraty i biezhrašoŭje, tut ty čužaja dy doraha j časta pasrednaj jakaści, a da taho ž mužyk- nie mužyk: albo mordu zalić, abo ŭ prystavačku pahulać, albo ŭ jaho kryzis i tre razabracca ŭ sabie. A joj ź dziećmi tym časam što rabić?