Ułady Turcyi pryniali rašeńnie z 1 červienia abaviazać rasijskich dalnabojščykaŭ atrymlivać vizy dla ŭjezdu ŭ respubliku. Pra heta paviedamili ŭ tureckaj Asacyjacyi mižnarodnych hruzapieravozak.
«Adpaviednaje rašeńnie ab uviadzieńni viz dla rasijskich kiroŭcaŭ hruzavikoŭ było pryniata Ministerstvam transpartu i ź siońniašniaha dnia nabyło moc», — skazali ŭ asacyjacyi.
Pavodle infarmacyi tureckaj haziety, patrabavańnie atrymlivać vizy stała mieraj u adkaz na ŭviadzieńnie Rasijaj viz dla hramadzian Turcyi, u tym liku kiroŭcaŭ vielikahruzaŭ. Kiraŭnik asacyjacyi Facich Šenier skazaŭ, što heta stała nieabchodnaj mieraj u adkaz. «Rasija ŭ suviazi z kryzisam u dvuchbakovych adnosinach uviała vizy dla ŭsich hramadzian. Praz heta i našy dalnabojniki stali vymušanyja atrymlivać vizy», — adznačyŭ jon.
Facich Šenier padkreśliŭ, što ŭ vyniku hetaj miery rasijskija kiroŭcy źviedajuć ciažkaści, pra što buduć paviedamlać svaim uładam. «I my spadziajomsia, što chutka ŭsio ž vierniemsia ŭ toj pieryjad, kali ŭ nas była vizavaja libieralizacyja», — skazaŭ na zakančeńnie jon.
Ciapier čytajuć
Cichanoŭski: Łukašenku treba sudzić pa łukašysckich zakonach, ale pasadzić na koł30
Kamientary