U Minsku prachodzić raźvitańnie z ekanamistam Andrejem Turam, jaki pamior 31 maja na 63-m hodzie žyćcia ad ciažkaj chvaroby. Z 1995 pa 2011 hady Tur pracavaŭ namieśnikam ministra ekanomiki.
Raźvitańnie prachodzić u aktavaj zały budynku BNTU. Šmat ludziej. Pryjšli raźvitacca eks-pretendent u prezidenty Viktar Ciareščanka, vice-premjer Vasil Maciušeŭski, namieśniki kiraŭnika Administracyi prezidenta Mikałaj Snapkoŭ i Kanstancin Martyniecki, kiraŭnik «Santa-Bremar» Alaksandr Mašenski, staršynia Minskaha abłvykankama Siamion Šapira, staršynia praŭleńnia «Bank raźvićcia» Siarhiej Rumas, premjer Andrej Kabiakoŭ.
«Jon byŭ maim nastaŭnikam»,— skazaŭ na cyrymonii raźvitańnia Andrej Kabiakoŭ.
Andrej Tur budzie pachavany na Uschodnich mohiłkach.
Źleva naprava ŭ siaredzinie: kiraŭnik Dziaržkantrolu Leanid Anfimaŭ, pieršy namieśnik kiraŭnika Administracyi Kanstancin Martyniecki, premjer Andrej Kabiakoŭ.
