U kastryčniku minułaha hoda na budynku avijacyjnaha ŭpraŭleńnia na vulicy Aeradromnaj źjaviŭsia murał, na jakim namalavany papiarovy samalocik, što zabłytaŭsia ŭ halinkach. Malunak pryśviacili aeraportu Minsk-1, jaki zakryvaŭsia z-za budaŭnictva kompleksu «Minsk-Śviet». Siońnia ž historyjaj staŭ nie tolki aeraport, ale i sam murał.
Fota: Vadzim Zamiroŭski, TUT.BY
Murał na ścianie avijacyjnaha ŭpraŭleńnia na vulicy Aeradromnaj, 4, stvaryŭ viadomy pinski mastak Jaŭhien Sasiura ŭ ramkach prajekta Urban Myths. Pavodle zadumki aŭtara, papiarovy samalocik, jaki zabłytaŭsia ŭ halinkach, simvalizavaŭ kaniec epochi aeradroma. Damy ŭnizie — heta fantazijnaje ŭsprymańnie rajona aeraporta ŭ časy jaho budaŭnictva.
Ale praz budaŭnictva maštabnaha kompleksu «Minsk-Śviet» aeraport zakryli, a ciapier znosiać avijacyjnaje ŭpraŭleńnie. Ad murała zastałasia tolki małaja častka.
Znos ściany z malunkam byŭ čakany jašče padčas pracy nad im, tamu tut niama ničoha dziŭnaha. Pieršapačatkova było zrazumieła, što malunak tut nienadoŭha.
Zatoje na susiednim budynku zastajecca jašče adzin murał, vykanany ŭkrainskim mastakom u ramkach taho ž Urban Myths. U svajoj pracy jon abyhraŭ mif pra raku Niamihu.
Ciapier čytajuć
Žurnalist Ihar Karniej raskazaŭ pra zdymki dla prapahandysckaha filma i niečakanuju sustreču ź Dziarždepam padčas źniavoleńnia1
Kamientary