Były vajskovy kamiendant Daniecka, kolišni ministr abarony tak zvanaj «DNR» Ihar Strałkoŭ-Hirkin daŭ intervju internet-vydańniu znak.com. Nie tak daŭno Hirkin zasnavaŭ «Ahulnaruski nacyjanalny ruch», jaki stavić za metu dałučeńnie Biełarusi i Ukrainy da Rasii.
«Dla abjadnańnia Biełarusi z Rasijaj nieabaviazkova vajavać. Ja miarkuju, što pry razumnaj palitycy i pry tym, što da toj ža Biełarusi buduć stavicca nie jak da mahčymaha abjektu dla razhrableńnia, abjadnańnie mahčyma biez usiakaj vajny i bieź jakoha-niebudź krovapralićcia.
Što tyčycca Ukrainy, heta, viadoma, inšaje pytańnie. Vajna ŭžo idzie, i nikudy my ad jaje nie padzieniemsia. Vajnu hetuju treba vyjhravać, tamu što ŭ vypadku jaje projhryšu my prajhrajem nie tolki na Ukrainie, ale i ŭsiudy. Majo mierkavańnie tut nie mianiajecca. Hetaja dylema stała biezalternatyŭnaj z momantu ŭźjadnańnia z Krymam. Heta dziejańnie było pravilnym, ale ja padkreślivaju nie jaho pravilnaść, a jaho značeńnie. Paśla hetaha varyjantaŭ prymireńnia niama: ci razhrom chunty, abo kapitulacyja pierad chuntaj», — skazaŭ u intervju Hirkin.
