U piatnicu ranicaj 28-hadovy Robiert Borba, pa dadzienych miascovych ŚMI, zahružaŭ pakupki ŭ svoj aŭtamabil na parkoŭcy kramy Walmart.
U hety momant jon pačuŭ kryk žančyny, jakaja klikała na dapamohu. U jaje sprabavali skraści rovar.
Borba amal adrazu ŭskočyŭ na svajho kania, jaki znachodziŭsia ŭ trejlery na parkoŭcy. Jon dahnaŭ vykradalnika i nakinuŭ na jaho łaso.
oregonlive.com
Viaroŭka začapiła nohi vykradalnika, i jon pavaliŭsia. Borba zatym adciahnuŭ jaho da kraju parkoŭki, źviazaŭ i vyklikaŭ palicyju.
U intervju miascovym ŚMI fiermier rastłumačyŭ, što nie zmoh by dahnać vykradalnika biez kania, bo jon niedastatkova chutka biehaje.
Fiermier rehularna vykarystoŭvaje łaso ŭ sielskaj haspadarcy, prytrymlivajučy z dapamohaj viaroŭki žyvioł.
Palicyja, što pryjechała pa vykliku, pabačyła źviazanaha vykradalnika i rovar. Palicejskija pryznalisia, što ŭ pieršy raz bačać, jak vykradalnikaŭ łoviać z dapamohaj łaso.
oregonlive.com