Sacyjalnaja sietka fejsbuk vyrašyła padšturchnuć karystalnikaŭ ustaloŭvać novuju prahramu i pahražaje, što vydalić fota tych, chto hetaha nie zrobić. Pra heta paviedamlaje Phone Arena.
Havorka idzie pra zakrytyja albomy, stvoranyja ŭ vyniku aŭtamatyčnaj sinchranizacyi mabilnaj prahramy z akaŭntam sacyjalnaj sietki. U niekatorych karystalnikaŭ u takim albomie mohuć być tysiačy fatahrafij.
Na dniach fejsbuk razasłaŭ karystalnikam listy z papiaredžańniem: tyja, chto choča zachavać svaje zakrytyja albomy z aŭtasinchranizacyjaj, pavinny spampavać Moments i załahinicca ŭ im. U advarotnym vypadku fatahrafii vydalać 7 lipienia.
Varta adznačyć, što albomy, stvoranyja ŭručnuju, a taksama fota i videa, zahružanyja na staronku, fejsbuk vydalać pakul nie płanuje.
