Alaksandr Łukašenka patrabuje nie dapuskać pierachodu kiraŭnikoŭ z adnoj adkaznaj pasady na inšuju ŭ vypadku ich niezdavalniajučaj pracy na raniejšym miescy.
Ab hetym kiraŭnik dziaržavy zajaviŭ siońnia, prymajučy rašeńnie ab kadravych pryznačeńniach siarod kiraŭnikoŭ miascovych vykanaŭčych i rasparadčych orhanaŭ.
«Nie zdoleŭ, značyć, treba iści pracavać pa śpiecyjalnaści. Heta pavinna datyčycca ŭsich. My pavinny dakładna i adnaznačna ŭ hetym płanie vyznačycca nazaŭsiody», — padkreśliŭ biełaruski lidar.
U toj ža čas, pavodle słoŭ kiraŭnika krainy, dobrych kiraŭnikoŭ treba vielmi surjozna padtrymlivać, asabliva staršyniaŭ rajvykankamaŭ.
«Ja chaču vas papiaredzić, što adpačyvać, na žal, nam nie prychodzicca. Jak byli vy tvaram da ludziej na pieradavoj, tak i zastajaciesia», — skazaŭ kiraŭnik dziaržavy.
