Alaksandr Łukašenka daŭ zhodu na pryznačeńnie Natalli Žukavaj namieśnikam ministra achovy zdaroŭja, hałoŭnym dziaržaŭnym sanitarnym uračom.
Da hetaha Natalla Žukava była hałoŭnym sanitarnym uračom Minska. Dva hady tamu ŭ intervju ahienctvu «Minsk-Naviny» Natalla Žukava kazała, što pracuje navat pa subotach.
Jaje muž taksama ŭrač, svajoj maraj jana nazyvała pabačyć Paŭdniova-Uschodniuju Aziju.
«Nie schavaju, šopinh mnie dastaŭlaje zadavalnieńnie, ale času na jaho, na žal, niama. Dziakuj darosłaj dačce - dapamahaje. U nas supadajuć husty, tamu, kali jana bačyć u kramie niešta, što padychodzić dla mianie, to adrazu telefanuje. Tak što moj vobraz farmujecca z ulikam bolš maładoha pohladu, choć u nas byvajuć i sprečki. Zaŭsiody dziejničaje taki arhumient: «Kacia, ja nie mahu ŭ hetym ubory pryjści na naradu!» Ź junactva lublu aksesuary. Simpatyčnyja rečy možna znajści i ŭ CUMie, i ŭ kramach brendavaha adzieńnia. Na rynak u Ždanovičach naviedvajusia tolki jak sanitarny ŭrač», — kazała Natalla Žukava.