Аляксандр Лукашэнка даў згоду на прызначэнне Наталлі Жукавай намеснікам міністра аховы здароўя, галоўным дзяржаўным санітарным урачом.
Да гэтага Наталля Жукава была галоўным санітарным урачом Мінска. Два гады таму ў інтэрв’ю агенцтву «Мінск-Навіны» Наталля Жукава казала, што працуе нават па суботах.
Яе муж таксама ўрач, сваёй марай яна называла пабачыць Паўднёва-Усходнюю Азію.
«Не схаваю, шопінг мне дастаўляе задавальненне, але часу на яго, на жаль, няма. Дзякуй дарослай дачцэ - дапамагае. У нас супадаюць густы, таму, калі яна бачыць у краме нешта, што падыходзіць для мяне, то адразу тэлефануе. Так што мой вобраз фармуецца з улікам больш маладога погляду, хоць у нас бываюць і спрэчкі. Заўсёды дзейнічае такі аргумент: «Каця, я не магу ў гэтым уборы прыйсці на нараду!» З юнацтва люблю аксэсуары. Сімпатычныя рэчы можна знайсці і ў ЦУМе, і ў крамах брэндавага адзення. На рынак у Ждановічах наведваюся толькі як санітарны ўрач», — казала Наталля Жукава.
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары