Asudžany da 30 hadoŭ turmy česki lekar płanavaŭ ucioki ŭ Biełaruś

U Miensku Bartak planavaŭ paprasić palityčnaha prytułku.
Pavodle abvinavačańnia ŭ zhvałtavańni svaich asystentak i vymahańni Jarasłaŭ Bartak paśpieŭ adsiedzieć try hady. Za hety čas pry dapamozie ludziej na voli jon sprabavaŭ arhanizavać svaje ŭcioki. Kali spravu vykryli, akazałasia, što z turmy Jarasłaŭ Bartak planavaŭ try zabojstvy z metaj pomsty, a taksama šantažavaŭ i vymahaŭ hrošy na ŭcioki jašče ŭ troch inšych čałaviek.
Za hetyja złačynstvy krajovy sud horadu Liberec na paŭnočnym zachadzie Čechii asudziŭ Jarasłava Bartaka na 18 hadoŭ. Z ulikam užo adsiedžanych troch hadoŭ pavodle papiaredniaha prysudu, ahułam jamu zastajecca adsiedzieć 27 hadoŭ.
Detali planavanych uciokaŭ stali viadomyja padčas raśśledavańnia druhoj spravy suprać lekara.
Ciapier Jarasłavu Bartaku 57 hadoŭ. Adrazu paśla vyniasieńnia prysudu jon padaŭ apelacyju.
Pra heta infarmuje sajt www.novinky.cz
Kamientary