«Biez «Biełsata» my kančatkova prajhrajem Kramlu baraćbu za hieapalityčny vybar krainy»
Nie skaračajcie finansavańnie «Biełsata»! Z takim zaklikam da jeŭrapiejskich struktur vystupili łaŭreatka Nobieleŭskaj premii Śviatłana Aleksijevič, pravaabaronca-viasnoviec Aleś Bialacki, palityk Mikoła Statkievič, eks-staršynia Biełaruskaj asacyjacyi žurnalistaŭ Žanna Litvina, staršynia ruchu «Za svabodu» Alaksandr Milinkievič i pieršy kiraŭnik niezaležnaj Biełarusi Stanisłaŭ Šuškievič.
Aleksijevič adznačyła ŭ svaim zvarocie: «Svaimi ŭnutranymi siłami my nie damo rady. Tatalnaja začystka, jakuju ŭłady pravodziać sistematyčna, i strach, jaki pasialiŭsia ŭ kožnym, zaminajuć nam rabić hetuju pracu tut, u chacie. My skavanyja. Nam patrebnaja dapamoha. Kali my stracim padtrymku ciapier, u budučyni daviadziecca pačynać spačatku. Pačynać budziem sa stračanaha času».
Statkievič piša: «U televizijnaj prastory Biełarusi panuje Rasieja. Naprykład, z vaśmi televizijnych efirnych kanałaŭ, jakija ŭvachodziać u biaspłatny dla nasielnictva pakiet, tolki 3 — biełaruskija, astatnija — rasiejskija».
Alaksandr Milinkievič paraŭnoŭvaje «Biełsat» z radyjo «Svabodnaja Jeŭropa» ŭ savieckija časy: «Upłyŭ «Biełsatu» raście. Jaho hladziać najbolš u mienšych haradach i vioskach, dzie niama kabielnaha telebačańnia. Jon tam, dzie patreba ŭ praŭdzivaj volnaj infarmacyi najbolšaja… Ciapier u infarmacyjnaj prastory Biełarusi daminuje «russkij mir». Biez «Biełsata» my kančatkova prajhrajem Kramlu baraćbu za hieapalityčny vybar krainy».
List staŭ adkazam na navinu, što jeŭrapiejskija instytucyi skaračajuć finansavańnie niezaležnaha biełaruskaha telekanała «Biełsat».
Praŭda, ad jeŭrapiejskich donaraŭ «Biełsat» mieŭ čverć svajho biudžetu. Reštu vydatkaŭ pakryvaŭ polski ŭrad, i hetaje finansavańnie zachoŭvajecca.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1212
Kamientary