Polšča choča, kab na jaje terytoryi byŭ stvorany vyviedvalny centr NATA
Polšča choča, kab na jaje terytoryi byŭ stvorany vyviedvalny centr NATA dla čatyroch bataljonaŭ aljansu, jakija nieŭzabavie buduć pierakinutyja va Uschodniuju Jeŭropu.
«Centr budzie miescam apieratyŭnaha zboru infarmacyi. Hetyja dadzienyja dazvolać inšym čalcam NATA być u kursie taho, što adbyvajecca na ŭschodnim fłanhu», — skazaŭ u Bruseli ministr abarony Polščy Antoni Macarevič, padkreśliŭšy, što ŭ hetym pytańni Varšavu padtrymlivaje siarod inšych i Bierlin. Kančatkovaje rašeńnie budzie pryniata na lipieńskim samicie NATA ŭ Varšavie.
Nahadajem, kiraŭnik Minabarony Polščy paćvierdziŭ infarmacyju ab tym, što rašeńnie ab raźmiaščeńni 4 bataljonaŭ NATA ŭ Polščy i bałtyjskich krainach užo pryniata. Detali ŭmacavańnia ŭschodniaha fłanhu buduć pryniatyja na varšaŭskim samicie ŭ lipieni.
Pavodle nieaficyjnych dadzienych Polskaha radyjo, bataljon u Polščy ŭznačalać vojski ZŠA, kanadskija vojski ŭznačalać bataljon u Łatvii, brytanskija — u Estonii, a niamieckija — u Litvie.
Nahadajem, hienieralny sakratar NATA Jens Stołtenbierh z paniadziełka 13 červienia paćvierdziŭ płany aljansu ŭmacavać uschodni fłanh, raźmiaściŭšy čatyry bataljony ŭ Polščy i bałtyjskich krainach.
Raniej kiraŭnik Minabarony Polščy Antoni Macarevič adznačyŭ, što na samicie ŭ Varšavie budzie pryniata rašeńnie ab adpraŭcy ŭ Polšču i ŭ try krainy Bałtyi pa adnym bataljonie aljansu, to bok pa adnoj tysiačy sałdat.
Ciapier čytajuć
«Ludzi iduć u miačeci, a nie lečać psichičnyja chvaroby». Biełaruski psichijatr raskazaŭ ab pracy va Uźbiekistanie i ŭ Polščy2
Kamientary