Fota TASS
Žychar pasiołka Mikałajeŭka Jaŭrejskaj aŭtanomnaj vobłaści adkryŭ ahoń z palaŭničaj strelby pa ludziach, jakija adpačyvali na bierazie vadajoma. Adzin mužčyna zabity, dvoje — supracoŭniki palicyi — paranienyja. Rybak, jaki stralaŭ, skončyŭ žyćcio samahubstvam, paviedamiła ŭ niadzielu staršy pamočnik kiraŭnika śledčaha ŭpraŭleńnia SK RF pa vobłaści Natalla Dabrababina.
Pa słovach pradstaŭnika SK RF, ranicaj 19 červienia na bierazie vadajoma adpačyvali niekalki siemjaŭ, siarod jakich byli dva dziejučyja supracoŭniki palicyi. Niedaloku rybačyŭ miascovy žychar. Pamiž imi i rybakom ŭzńnik kanflikt, jak miarkujecca, paśla źniknieńnia humavaj łodki rybaka.
Miascovy žychar sieŭ u aŭtamabil i pajechaŭ, potym viarnuŭsia, uzbrojeny palaŭničaj strelbaj. U vyniku atrymanych ahniastrelnych ranieńniaŭ adzin mužčyna pamior na miescy, abodva supracoŭnika palicyi, jakija znachodzilisia nie pry vykanańni słužbovych abaviazkaŭ, atrymali cialesnyja paškodžańni roznaj stupieni ciažkaści. Im akazvajecca nieabchodnaja miedyčnaja dapamoha.
«Paśla prapanovy zdacca, jakaja prahučała ad vyklikanych na miesca zdareńnia palicejskich, rybak pakončyŭ z saboj», — paviedamili ŭ SK RF pa Jaŭrejskaj aŭtanomnaj vobłaści.
Na miescy pracuje śledča-apieratyŭnaja hrupa.
