Trahičnaja śmierć: halivudskaha akciora znajšli zacisnutym pamiž aŭtamabilem i vialikaj paštovaj skryniaj
U ZŠA trahična zahinuŭ halivudski akcior ruskaha pachodžańnia Anton Jelčyn.
Niaščaście zdaryłasia ŭ niadzielu ranicaj, kali akcior byŭ znojdzieny zacisnutym pamiž svaim aŭtamabilem i vialikaj paštovaj skryniaj kala bramy ŭłasnaha doma ŭ Dalinie San-Fiernanda ŭ Kalifornii.
Jak paviedamlaje partał navinaŭ pra žyćcio znakamitaściaŭ TMZ, jaho znajšli siabry 27-hadovaha Jelčyna, zaniepakojenyja tym, što jon nie pryjšoŭ na zapłanavanuju repietycyju i nie adkazvaŭ na telefanavańni.
TMZ sa spasyłkaj na miascovuju palicyju paviedamlaje taksama, što mator aŭtamabila Jelčyna pracavaŭ, a skrynka pieradač była ŭ niejtralnym stanoviščy. Ujezd u bramu doma akciora maje vidavočny ŭchił, adnak niezrazumieła, pa jakoj pryčynie jon vyjšaŭ z mašyny i apynuŭsia zacisnuty.
Pakul u palicyi schilajucca da viersii ab niaščasnym vypadku.
Jelčyn zdymaŭsia ŭ mnohich filmach, u pryvatnaści «Serca ŭ Atłantydzie», «Jak varjat», «Zorny šlach», «Alfa Doh», «Terminatar. Niachaj pryjdzie zbaŭca».
Jon naradziŭsia ŭ Leninhradzie ŭ 1989 hodzie ŭ siamji prafiesijnych fihurystaŭ. Jamu było paŭhoda, kali siamja emihravała ŭ ZŠA.
Ciapier čytajuć
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany5
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary