Mieniedžar pieradvybarnaj kampanii Donalda Trampa — adzinaha pretendenta na prezidencki post ad Respublikanskaj partyi ZŠA — pakidaje svaju pasadu. Kankretnyja pryčyny jaho sychodu pakul nie viadomyja.
Choŭp Chiks, pres-sakratar kampanii Trampa, skazała, što ŭsie jaho — na dadzieny momant užo byłyja — kalehi ŭdziačnyja Kory Levandoŭski za «ščyruju pracu i addanaść».
Hazieta New York Times piša, što kampanija Trampa płanuje źmieny ŭ svajoj taktycy napiaredadni prezidenckich vybaraŭ.
«Kamanda prezidenckaj kampanii Donalda Trampa, jakoj udałosia dasiahnuć histaryčnaha rekordu ŭ ramkach prajmieryz, zaručyŭšysia kala 14 młn hałasoŭ, abjaŭlaje, što Kory Levandoŭski bolš na jaje nie pracuje», — zajaviła Choŭp Chiks.
Kory Levandoŭski byŭ mieniedžaram kampanii Donalda Trampa z momantu ŭstupleńnia miljardera ŭ prezidenckuju honku, i sam Tramp kazaŭ, što mienavita dziakujučy Levandoŭski jamu ŭdałosia zaručycca pośpiecham na rańnich stadyjach, asabliva ŭ štacie Ńju-Hempšyr.
Ale pa miery taho jak stanaviłasia jasna, što Tramp stanie aficyjnym kandydatam u prezidenty ad Respublikanskaj partyi, jon staŭ zamianiać svaich daradcaŭ i mieniedžaraŭ na ludziej z bolš značnym palityčnym dośviedam.
U pryvatnaści, jon naniaŭ Poła Manaforta, jaki ličycca bolš prydatnym palittechnołaham dla viadzieńnia mienavita prezidenckaj kampanii, u adroźnieńnie ad baraćby na prajmieryz.
Akramia taho, Levandoŭski abvinavačvajecca ŭ tym, što ŭ sakaviku jon hruba šturchaŭ žurnalistku padčas adnaho ź mitynhaŭ Tramp. Sam jon admaŭlaŭ, što dakranaŭsia da žančyny, nazvaŭšy jaje fantaziorkaj, adnak kadry kamier schavanaha nazirańnia pakazvajuć, što jon kazaŭ niapraŭdu.
Tady Donald Tramp aktyŭna abaraniaŭ svajho mieniedžara.
Kamanda Trampa nie tłumačyć pryčyny sychodu Levandoŭski. Pakul taksama nie viadoma, pajšoŭ jon pa svajoj voli albo byŭ zvolnieny.
Ciapier čytajuć
«Usio tak ci inakš budzie vyrašacca na poli boju». Čym budzie zajmacca novaja kiraŭnica Misii demakratyčnaj Biełarusi va Ukrainie?1
Kamientary