24 červienia deputaty Pałaty pradstaŭnikoŭ pryniali ŭ druhim čytańni prajekt Kodeksa ab kultury.
Jak paviedamiła namieśnik staršyni parłamienckaj kamisii pa adukacyi, kultury i navucy Natalla Kučynskaja, nieabchodnaść padrychtoŭki prajekta kodeksa abumoŭlenaja patrebaj u kompleksnym i sistemnym rehulavańni hramadskich adnosin u śfiery kultury, jakaja pradstaŭlenaja adzinaccaćciu napramkami kulturnaj dziejnaści i jakaja ciapier rehłamientujecca bolš čym 60 narmatyŭnymi pravavymi aktami roznaj jurydyčnaj siły.
Prajekt kodeksa składajecca z ahulnaj i śpiecyjalnaj častak, piaci raździełaŭ i 257 artykułaŭ. Dakumient praduhledžvaje supracoŭnictva dziaržaŭnych orhanaŭ z kamiercyjnymi arhanizacyjami i indyvidualnymi pradprymalnikami, a taksama pavialičvaje rolu hramadskaści ŭ vyrašeńni pytańniaŭ kultury. U pryvatnaści, praduhledžana stvareńnie pry dziaržorhanach hramadskich naziralnych kamisij pa achovie historyka-kulturnaj spadčyny, hramadskich savietaŭ, kamisij i inšych kansultacyjnych orhanaŭ i ekśpiertnych farmiravańniaŭ pa pytańniach kultury.
Prajekt kodeksa ŭklučaje sponsaraŭ i miecenataŭ kultury ŭ koła subjektaŭ kulturnaj dziejnaści. Tvorčym sajuzam dajucca pravy ažyćciaŭlać biez stvareńnia kamiercyjnych arhanizacyj i ŭdziełu ŭ ich dziejnaść pa vytvorčaści filmaŭ i televizijnych prahram, tvorčuju dziejnaść i zabavy, a taksama dziejnaść pa realizacyi adukacyjnaj prahramy navučalnych kursaŭ i adukacyjnaj prahramy ŭdaskanaleńnia mahčymaściaŭ i zdolnaściaŭ asoby.
U dakumiencie zamacavanaja abaviazkovaść pieradačy ŭ dziaržaŭnuju ŭłasnaść prafiesijna i vypadkova vyjaŭlenych archieałahičnych artefaktaŭ. Prajekt źmiaščaje zabaronu hramadzianskaha abarotu archieałahičnych artefaktaŭ na terytoryi Biełarusi, za vyklučeńniem ich nabyćcia, prodažu, dareńnia, mieny dziaržaŭnymi muziejami i navukovymi arhanizacyjami.
Akramia hetaha, prapanujecca spraścić paradak pryniaćcia niekatorych kiraŭničych rašeńniaŭ pry ažyćciaŭleńni muziejnaj, biblijatečnaj dziejnaści i achovy historyka-kulturnaj spadčyny.
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier3
Kamientary