Piaciora čałaviek, jakija źviarnulisia ŭ minskuju BCHMD, špitalizavanyja z soniečnymi apiokami. Takaja infarmacyja raźmieščanaja na sajcie Ministerstva achovy zdaroŭja.
«26 lipienia ŭ balnicu chutkaj miedycynskaj dapamohi Minska źviarnulisia 23 čałavieki z soniečnymi apiokami. 18 pacyjentaŭ atrymali dapamohu ambułatorna, 5 — špitalizavanyja. Stan tych, chto znachodzicca ŭ stacyjanary, aceńvajecca jak ciažki. U traich pacyjentaŭ dyjahnastavanyja apioki 1-j stupieni z paražeńniem 93%, 91% i 75% płoščy cieła. Dva čałavieki atrymali apioki 1-2-j stupieni z paražeńniem 50% i 20% skurnych pakrovaŭ «, — skazana ŭ paviedamleńni.
Za minułyja vychadnyja ŭ arhanizacyi achovy zdaroŭja Biełarusi pa miedycynskuju dapamohu źviarnulisia 29 čałaviek (17 darosłych, 12 dziaciej) ź simptomami ciepłavoj traŭmy. Ambułatornaja dapamoha akazanaja 18 paciarpiełym. Špitalizavana 11 čałaviek, u tym liku 3 dziaciej.
