Karespandent «NN» adnym ź pieršych nabyŭ novyja biełaruskija rubli FOTY
Pieršyja abmieńniki «Biełarusbanka», u jakim kožnamu achvotnamu stali dastupnyja novyja biełaruskija hrošy, znachodziacca na čyhunačnym vakzale Minska.
Paśla techničnaha pierapynku jany musili adkrycca a 2-j nočy. Amatary navinak spadziavalisia, što ŭ kasach užo buduć zaviezienyja novyja kupiury i banknoty — i jany nie pamylilisia.
Jašče da adkryćcia abmieńnikaŭ kala ich sabrałasia kala 20 čałaviek, jakija apynulisia ŭ dźviuch čerhach. Jany hatovyja byli achviaravać biassonnaj nočču dziela mahčymaści pieršymi pamacać novyja hrošy.
Bolšaść pakupnikoŭ kuplała ŭvieś nabor kupiur i maniet, ich ahulny košt składaje 888 rubloŭ i 88 kapiejek.
Narešcie, čarha dajšła i da karespandenta «Našaj Nivy».
Našy apieracyi ścipłyja. Pa-pieršaje, pamianiać 10 dalaraŭ, kab atrymać 20 novych biełaruskich rubloŭ.
Nam patrapiłasia banknota ź sieryjnym numaram SR2061117. Cikava, što ličby nadrukavanyja nie adnolkavym pamieram, a pavialičvajucca ad pačatku da kanca.
Pa-druhoje, zdać simvaličnyja 100 rasijskich rubloŭ, kab pamacać rukami manietki — 3 biełaruskija rubli.
Dla kasirki praca z kapiejkami — taksama novy dośvied. Pieraličyŭšy niekalki razoŭ manietki, jana dała rady pastaŭlenaj zadačy.
Užo 1 lipienia atrymać takija hrošy zmoža kožny achvotny.
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia34
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary