Карэспандэнт «НН» адным з першых набыў новыя беларускія рублі ФОТЫ
Першыя абменнікі «Беларусбанка», у якім кожнаму ахвотнаму сталі даступныя новыя беларускія грошы, знаходзяцца на чыгуначным вакзале Мінска.
Пасля тэхнічнага перапынку яны мусілі адкрыцца а 2-й ночы. Аматары навінак спадзяваліся, што ў касах ужо будуць завезеныя новыя купюры і банкноты — і яны не памыліліся.
Яшчэ да адкрыцця абменнікаў каля іх сабралася каля 20 чалавек, якія апынуліся ў дзвюх чэргах. Яны гатовыя былі ахвяраваць бяссоннай ноччу дзеля магчымасці першымі памацаць новыя грошы.
Большасць пакупнікоў купляла ўвесь набор купюр і манет, іх агульны кошт складае 888 рублёў і 88 капеек.
Нарэшце, чарга дайшла і да карэспандэнта «Нашай Нівы».
Нашы аперацыі сціплыя. Па-першае, памяняць 10 даляраў, каб атрымаць 20 новых беларускіх рублёў.
Нам патрапілася банкнота з серыйным нумарам СР2061117. Цікава, што лічбы надрукаваныя не аднолькавым памерам, а павялічваюцца ад пачатку да канца.
Па-другое, здаць сімвалічныя 100 расійскіх рублёў, каб памацаць рукамі манеткі — 3 беларускія рублі.
Для касіркі праца з капейкамі — таксама новы досвед. Пералічыўшы некалькі разоў манеткі, яна дала рады пастаўленай задачы.
Ужо 1 ліпеня атрымаць такія грошы зможа кожны ахвотны.
Цяпер чытаюць
Сілавікі затрымалі лідара гурта «Палац» Алега Хаменку4
Каментары