Prakuratura zacikaviłasia handlarami, jakija nastojliva «sovajuć» biełarusam usiakaha rodu patelni, masažory i, jak potym akazvajecca, absalutna niepatrebny tavar, piša «SB-Biełaruś siehodnia».
U trendzie sumnieŭnaj karysnaści filtry dla ačystki vady, ŭstanoŭka i ramont voknaŭ i ačystka kanalizacyjnych sistem u kvaterach. Handlary, nie saromiejučysia, ahitujuć ŭsiudy: raźviešvajuć rekłamnyja abjavy, niejkim mifičnym čynam paznajuć numary telefonaŭ i litaralna teraryzujuć ludziej u ich kvaterach i damach.
Bolš za astatnich ad padobnaha markietynhu pakutujuć staryja, adzinokija ludzi, kanstatuje namieśnik načalnika adździeła pa nahladzie za vykanańniem pravoŭ i svabod hramadzian Hienieralnaj prakuratury Pavieł Jelisiejeŭ.
«Mnohija zališnie sumlennyja biełarusy navat miarkujuć, što ździejśnić kuplu jany pavinny ŭžo tamu, što pradaŭcy patracili stolki času na apoviad-pakaz. Kab padobnych faktaŭ zališnie nastojlivych prodažaŭ stała mienš, my prapanavali Ministerstvu handlu kompleksna vyvučyć dziejnaść na rynku takich pasłuh i pryniać adpaviednyja miery u dačynieńni da niedabrasumlennych handlaroŭ. Ukazali na toje, što treba bolš uvažliva adsočvać rekłamu, jakaja raspaŭsiudžvajecca. I, kali spatrebicca, treba ŭnieści prapanovy pa zakanadaŭčych navacyjach dla nadańnia dadzienaj dziejnaści akreślenych pravavych miežaŭ, nadzialeńnia spažyŭca pravam viartańnia tavaru, a pradaŭca — abaviazkam pryniać pradukcyju nazad», — adznačaje Pavieł Jelisiejeŭ.
