Upraŭleńniem Śledčaha kamiteta pa Viciebskaj vobłaści zavieršanaje rasśledavańnie kryminalnaj spravy ŭ dačynieńni da niepracoŭnych žycharoŭ Oršy (1987, 1989, 1992 hadoŭ naradžeńnia), jakija abvinavačvajucca ŭ ździajśnieńni šerahu ciažkich i asabliva ciažkich złačynstvaŭ.
Usim trom vystaŭlenyja abvinavačańni ŭ ździajśnieńni złačynstvaŭ, praduhledžanych č. 3 art. 166, č. 2 art. 139, č. 1 art. 366, č. 3 art. 167, č. 1 art. 14 i č. 2 art. 139 (zhvałtavańnie; zabojstva, ździejśnienaje z asablivaj žorstkaściu, z chulihanskich mierkavańniaŭ, hrupaj asob; nasille ŭ dačynieńni da asoby, jakaja vykonvaje hramadski abaviazak; hvałtoŭnyja dziejańni sieksualnaha charaktaru; zamach na zabojstva) Kryminalnaha kodeksa Biełarusi.
Śledčymi ŭstanoŭlena, što 26 śniežnia 2015 hoda 24-hadovaja žycharka Oršy paznajomiłasia ŭ sacyjalnaj sietcy z maładym čałaviekam, jaki prapanavaŭ sustrecca i prahulacca.
«Mužčyna dasłaŭ pa jaje taksi i paprasiŭ pryjechać u hości na kvateru da svajho znajomaha, dzie ŭžo znachodzilisia dvoje jaho siabroŭ, — adznačajecca ŭ paviedamleńni.
— Z 19-j hadziny viečara 26 śniežnia pa 11.00 27 śniežnia troje mužčyn, znachodziačysia ŭ stanie ałkaholnaha apjanieńnia, a taksama ŭ stanie, vyklikanym užyvańniem psichatropnych rečyvaŭ, z metaj zadavalnieńnia svajho pałavoha zapału, dziejničajučy z asablivaj žorstkaściu i ździekam, nanieśli žančynie množnyja ŭdary pa ciele i nasupierak jaje voli naŭmysna nieadnarazova jaje zhvałtavali».
Pavodle źviestak SK, dapamahčy i zabrać z kvatery paciarpiełuju pryjechaŭ baćka jaje dziciaci, jakomu žančyna zdoleła paviedamić adras praz SMS-paviedamleńni.
«Adnak maładyja ludzi nie tolki nie vypuścili dziaŭčynu z kvatery, ale i z asablivaj žorstkaściu źbili maładoha čałavieka, naniosšy niekalki dziasiatkaŭ udaraŭ pa žyćciova važnych orhanach.
Ad atrymanych ciažkich cialesnych paškodžańniaŭ 23-hadovy mužčyna pamior na miescy zdareńnia. Paśla čaho jaho trup vynieśli ŭ dvor i pakinuli na łaŭcy pamiž damami, dzie jon i byŭ znojdzieny miascovymi žycharami», — havorycca ŭ paviedamleńni.
Žančynu abvinavačanyja nieadnarazova sprabavali zadušyć. Kali jany zasnuli, žančyna zdoleła vyjści z kvatery na vulicu i paviedamiła ab učynienych złačynstvach u pravaachoŭnyja orhany.
Śledčymi padčas rasśledavańniaŭ kryminalnaj spravy sabranyja «vyčarpalnyja dokazy»: praviedzienyja ahlady ŭčastka miascovaści i kvatery, padčas jakich kanfiskavanyja adzieńnie i abutak abvinavačanych, pryłada ździajśnieńnia złačynstva sa śladami kryvi, a taksama asabistyja dakumienty na imia zabitaha, zafiksavanyja pakazańni paciarpiełych i śviedak, praviedzienyja śledčyja ekśpierymienty z udziełam paciarpiełaj i śviedki.
Sudova-miedycynskimi ekśpiertami ŭstanoŭlena, što paciarpiełamu maładomu čałavieku było naniesiena nie mienš jak 39 traŭmavalnych uździejańniaŭ kułakami, nahami, draŭlanaj chakiejnaj kluškaj, jakija paciahnuli jaho śmierć. Paciarpiełaj žančynie naniesiena nie mienš jak 42 traŭmavalnyja ŭździejańni, što paciahnuła pryčynieńnie joj šerahu cialesnych paškodžańniaŭ roznaha charaktaru.
Pavodle zaklučeńnia sudova-chimičnych ekśpiertyz. u momant ździajśnieńnia złačynstvaŭ abvinavačanyja znachodzilisia ŭ stanie, vyklikanym užyvańniem psichatropnych rečyvaŭ i ałkaholu. Zahinuły małady čałaviek byŭ ćviarozy.
Kompleksnaj sudovaj psichołaha-psichijatryčnaj ekśpiertyzaj ŭ adnaho z troch abvinavačanych ustanoŭlenaje psichičnaje rasstrojstva. Jašče adzin abvinavačany ŭ pieryjad śledstva sprabavaŭ simulavać najaŭnaść u siabie psichičnaha rasstrojstva. Adnak sudovymi ekśpiertami-psichijatrami i ekśpiertami-psichołahami ŭstanoŭlena, što ŭsie troje abvinavačanych u momant ździajśnieńnia złačynstvaŭ uśviedamlali značeńnie svaich złačynnych dziejańniaŭ.
Padčas śledstva miera spynieńnia nie źmianiałasia. Z momantu zatrymańnia pa ciapierašni čas abvinavačanyja ŭtrymlivajucca pa vartaj. Akaličnaściaŭ, jakija b źmiakčali ich adkaznaść, śledstvam nie ŭstanoŭlena, padkreślivajecca ŭ paviedamleńni.
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary