Na pikietach pad bieł-čyrvona-biełymi ściahami za słonimskaha doktara Ivana Šehu ŭžo sabrali 1500 podpisaŭ
U sieradu, 13 lipienia, u centry vioski Miževičy Słonimskaha rajona pad bieł-čyrvona-biełym ściaham inicyjatyŭnaja hrupa Ivana Šehi (Słonimskaje zhurtavańnie demakratyčnych sił) źbirała podpisy.
Da pikietu padychodzili viaskoŭcy, jakija vykazvali roznyja dumki i mierkavańni adnosna vybaraŭ. Junak skazaŭ, što jon stavić podpis i spadziajecca, što žyćcio ŭ nas palepšycca, i my staniem žyć lepš.
Adna z žančyn, jakaja vychodziła ź viaskovaj kramy, padyjšła da pikieta i skazała, što jana vielmi choča pastavić svoj podpis za doktara Ivana Šehu, ale baicca, što jaje vyhaniać z pracy.
Druhaja viaskovaja kabieta adznačyła, što my vielmi dobra žyviem, i jana svoj podpis za Ivana Šehu stavić nie budzie.
«Ale, — pryznałasia kabieta, — pa pradukty dva razy na miesiac ja jezdžu ŭ Biełastok, choć u Biełarusi žyć dobra i z hetymi deputatami, jakija jość. Navošta vybirać inšych?..».
Pa słovach siabra inicyjatyŭnaj hrupy Viktara Marčyka, na 13 lipienia za Ivana Šehu ŭžo sabrana 1500 podpisaŭ. Heta najbolš za ŭsich astatnich, žadajučych zarehistravacca kandydatam u deputaty pa Słonimskaj vybarčaj akruzie №58.
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha129
Kamientary