Vynikovyja sumy ŭ žyroŭkach za červień u denaminavanych i niedaminavanych rublach mohuć nie supadać
Pra heta paviedamiŭ 14 lipienia dyrektar kamunalnaha ŭnitarnaha pradpryjemstva «Centr infarmacyjnych technałohij Minharvykankama» Aleh Siadzielnik.
Jon rastłumačyŭ, što kožny radok rachunka-paviedamleńnia ab akazanych u červieni kamunalnych pasłuhach daje infarmacyju pra kankretnuju pasłuhu kankretnaj jurydyčnaj asoby. Taryfy na hetyja pasłuhi pakul nie denaminavanyja, ale ŭ novym paviedamleńni pryviedzienaja infarmacyja pa kožnym radku i ŭ denaminavanyja rublach. Pry hetym suma ŭ denaminavanych rublach padličanaja ŭ viertykalnym radku, i jana moža nie supaści z sumaj, jakaja padličanaja ŭ słupku ŭ niedaminavanych rublach.
«Heta moža vyklikać šmat pytańniaŭ u spažyŭcoŭ, kali jany atrymajuć novyja rachunki-paviedamleńni. Tamu my papiaredžvajem pra heta zahadzia», — adznačyŭ Siadzielnik.
Dyrektar centra paviedamiŭ, što ad lipienia papiarovyja paviedamleńni buduć vychodzić u novym farmacie — na arkušy A3.
Hetaje paviedamleńnie pryviedzienaje ŭ adpaviednaść z formaj, zaćvierdžanaj pastanovaj Ministerstva žyllova-kamunalnaj haspadarki. Na dumku raspracoŭščykaŭ, jana stała bolš zručnaj, tam bujniejšy šryft. Unizie budzie raźmiaščacca sacyjalna značnaja infarmacyja i sacyjalnaja rekłama.
U červieńskaj žyroŭcy raźmieščanaja infarmacyja dla baćkoŭ, jakaja papiaredžvaje pra vypadki vypadzieńnia małaletnich dziaciej z voknaŭ i z bałkonaŭ, što pačaścilisia.
Jak paviedamiŭ Siadzielnik, u žyroŭkach za lipień buduć apublikavanyja ŭžo denaminavanyja taryfy, ahulnaja suma apłaty ŭ denaminavanych rublach i dla daviedki — u niedenaminavanych.
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary