Chłoja Koŭen pryznanaja vinavataj u pieraśledzie čałavieka, što pryčyniła paciarpiełaj surjoznyja dušeŭnyja pakuty. U sudzie abvinavačanaja całkam pryznała vinu.
U jakaści dadatkovaha pakarańnia sud zabaraniŭ abvinavačanaj na praciahu nastupnych 10 hadoŭ karystacca pryładami ź internetam, jakija nie mohuć aŭtamatyčna zachoŭvać ŭsiu historyju jaje dziejańniaŭ. Joj taksama budzie zabaroniena ŭvachodzić u luby kantakt ź siamjoj zahinułaha.
Padstavaj dla sudovaha raźbiralnictva stali hrubyja i abraźlivyja paviedamleńni ŭ «Tvitary», jakija Koŭen adpraŭlała maci dvuchhadovaha Džejmsa Bałdžera, zabitaha amal čverć stahodździa tamu dvuma školnikami. U hetych tvitach jana prykidvałasia to adnym z zabojcaŭ, to pryvidam zahinułaha.
Zabojstva dvuchhadovaha Džejmsa Bałdžera adbyłosia ŭ 1993 hodzie. Maci nienadoŭha pakinuła jaho biez nahladu ŭ supiermarkiecie, paśla čaho dvoje inšych dziaciej — Džon Vieniebłs i Robiert Tompsan — vykrali jaho, źbili i kinuli pamirać na čyhunačnych rejkach.
Školniki sprabavali zamaskiravać zabojstva pad niaščasny vypadak, ale kamiera videanazirańnia ŭ supiermarkiecie zafiksavała momant vykradańnia Bałdžera. Abodva abvinavačanyja ŭ jaho zabojstvie byli zatrymanyja i atrymali maksimalna mahčymy dla ich uzrostu termin pazbaŭleńnia voli — 10 hadoŭ.
