Z Maskvy. Błoh Alesia Čajčyca77

Z Maskvy pra Šaramieta: «My žyviom na hibrydnaj vajnie»

Piša Aleś Čajčyc.

My žyviom na doŭbanaj hibrydnaj vajnie. Jana pačałasia ŭ paŭzučym farmacie ci to jašče ŭ 90-ja, ci to z prychodam Pucina, i ŭ 2014 hodzie dasiahnuła najbolš vostraj fazy.

Na joj zahinuli Barys Niamcoŭ, Halina Staravojtava, Hanna Palitkoŭskaja i mnohija inšyja talenavityja i śvietłyja ludzi.

Pavieł Šaramiet — samaja novaja, ale napeŭna ž nie apošniaja achviara hetaj vajny. Kacha Bendukidze, Valeryja Navadvorskaja — ci vy budziecie ździŭlacca, kali praz 20 hadoŭ uspłyvie infarmacyja pra toje, što heta taksama byli zabojstvy? Jak byli zabojstvami śmierci Hienadzia Karpienki dy Anatola Majsieni ŭ 90-ja ŭ Biełarusi?

Pahladzicie na zahadkavyja śmierci rasijskich kalaspartovych funkcyjanieraŭ, jakija zajmalisia antydopinhavymi rasśledavańniami — paśla čaho adzin, kaho nie zabili, źbieh na Zachad i vykryŭ usiu padnahotnuju rasijskaha prafiesijnaha hetak zvanaha sportu. Doŭbany sport — doŭbanaje biehańnie ci katańnie na doŭbanych kańkach, za jakija (ci vy budziecie ździŭlacca, kali heta vyśvietlicca?) zabivali žyvych ludziej.

Pahladzicie na sieryju zahadkavych śmierciaŭ rasijskich hienierałaŭ, adkaznych za dałučeńnie Krymu. Na zabojstva Alaksandra Litvinienki, dzie im nie atrymałasia prychavać technałohiju i detali apieracyi. Na śmierć (zabojstva?) Barysa Bierazoŭskaha. Vajna, dzie nie škadujuć ni čužych, ni svaich.

Na hetaj doŭbanaj vajnie nie zaŭždy jość bačnaja linija frontu. Maskva ŭ lipieni 2016 hodu — cudoŭnaje miesca z dobrymi restaranami, darahimi ofisami, pryhožymi vulicami i kramami, ź vietlivymi i zbolšaha niebłahimi ludźmi (tolki nie razmaŭlajcie ź imi pra palityku).

Tak lohka pavieryć, što zabojstvy i biezzakońnie — heta nie pra nas, što heta zastałosia dzieści ŭ dalokich dzievianostych, a my ciapier žyviom u davoli kamfortnaj jeŭrapiejskaj stalicy. Što my zdoleli pieraskoknuć z savieckaha tatalitaryzmu ŭ niejkaje niebieznadziejnaje isnavańnie, i što karupcyjaniery i reniehaty va ŭładzie — heta časovaje, a ŭ 2018 nam zrobiać načalnikam jakoha-niebudź Kudryna i ŭsio stanie znoŭ dobra.

Nasamreč ža heta vajna. I hetaja niezvyčajnaja i nie zaŭsiody bačnaja vajna jość paŭsiul i va ŭsim, u štodzionnym našym maskoŭskim i nie tolki maskoŭskim žyćci.

Kamientary7

Kali Kanapackaja stała całkam padkantrolnaja Łukašenku?25

Kali Kanapackaja stała całkam padkantrolnaja Łukašenku?

Usie naviny →
Usie naviny

Abchazski kiraŭnik Bžanija pakinuŭ Suchumi4

Zbornaja Biełarusi prajhrała Paŭnočnaj Irłandyi i zhubiła šaniec zaniać pieršaje miesca1

Vybirajcie pupočnyja apielsiny — jany smačniejšyja!5

Zorka amierykanskaha sieryjała rašyła nie viartacca ŭ ZŠA pry Trampie6

Z-błohier «Trynaccaty», jaki krytykavaŭ Minabarony i Kreml, zamiest suda pajedzie na vajnu3

Zialenski: Z Trampam vajna skončycca chutčej4

Pratestoŭcy ŭ Abchazii zapatrabavali adstaŭki prezidenta. Toj admoviŭsia3

U 39 hadoŭ zahinuŭ načalnik adździeła pa raskryćci ciažkich złačynstvaŭ UUS Bresckaha abłvykankama22

Pasiadžeńnie parłamienta Novaj Ziełandyi było sarvana rytualnym tancam deputataŭ VIDEA8

bolš čytanych navin
bolš łajkanych navin

Kali Kanapackaja stała całkam padkantrolnaja Łukašenku?25

Kali Kanapackaja stała całkam padkantrolnaja Łukašenku?

Hałoŭnaje
Usie naviny →