Kiraŭnik Alimpijskaha kamiteta Rasii Alaksandr Žukaŭ raspavioŭ, što vosiem kandydataŭ u rasijskuju zbornuju na Alimpijskija hulni ŭ Rya-de-Žaniejra mieli dopinhavuju historyju.
«Ja pierahavaryŭ amal z usimi prezidentami Fiederacyi pa letnich vidach sportu, jany aktyŭna pracujuć i vyviarajuć śpisy spartoŭcaŭ, jakija majuć dopinhavuju historyju. Pa maich dadzienych, na siońniašni dzień heta vosiem spartoŭcaŭ», - skazaŭ Žukaŭ.
Rasijskija fiederacyi ŭ bližejšyja dni pavinny ŭzhadnić ź mižnarodnymi fiederacyjami śpisy spartoŭcaŭ, jakija pajeduć na Alimpijadu. Paśla hetaha śpisy pavinien ŭchvalić ekśpiert sa śpisu arbitraŭ Mižnarodnaha spartyŭnaha arbitražnaha suda (CAS) u Łazanie.
Kiraŭnik Alimpijskaha kamiteta Rasii nie vyklučyŭ, što ŭ mižnarodnych fiederacyj mohuć źjavicca pytańni da spartsmienaŭ, jakich zhadvali ŭ dakładzie WADA pra dopinh na Alimpijadzie ŭ Sočy.