Siarhiej Doŭhušaŭ. Fota farm9.static.flickr.com.
Sioleta ŭviesnu Vuraj i Re1ikt prezentavali sumiesny samotnik «Vyłetaj, perepyłko» — rok-versiju paleskaha narodnaha śpievu. A ciapier pajšli jašče dalej — padrychtavali cełuju prahramu, u jakoj pieraplalisia roznyja muzyčnyja styli, narodnyja i aŭtarskija śpievy. «Tak skłałasia, što naš vakalist Uładzimier Kazłoŭ nia zmoža ŭziać udzieł u kancercie, tamu my vyrašyli zaprasić Sieržuka, jaki vykanaje pieśni Re1ikt pa-svojmu. Vystup budzie ŭnikalny, bo ŭ takim vyhladzie moža i nie paŭtarycca», — kaža lider i bubnač Re1ikt Alaksandar Dziemidzienka.
Siaržuk Doŭhušaŭ da hetaha vychodziŭ u jakaści frantmena Re1ikt čatyry hady tamu dziela vystupu na «Halfway Festival» u Biełastoku i feście «Naš Hrunvald». «Mnie cikavy dośvied supracy z rok-kamandaj, bo hety styl vielmi pavažaju, a z hurtom Re1ikt u nas supadajuć pohlady na muzyku, tamu z zadavalnieńniem vystuplu razam ź imi», — kaža Siaržuk Doŭhušaŭ.
Vystup Re1ikt zaplanavany ŭ miežach kancertu «Zaśpiavaj 3.0» 5 žniŭnia ŭ dvoryku na płoščy Svabody, 4. U im taksama voźmuć udzieł finalisty konkursu Jan Žančak, Jaŭhien Ciarenćjeŭ i hurt Teleport dy hurt U.G.Oslavia.
Kvitki papiarednie možna nabyć na Bezkasira.by i ŭ kramie «Biełaruskaja prastora» (pr-t Niezaležnaści, 58, HC «Maskoŭska-Vienski», druhi pavierch, paviljon 205). Kolkaść miescaŭ abmiežavanaja.
Vystup Siarhieja Doŭhušava ŭ składzie Re1ikt na «Halfway Festival-2012»:
