Kali ZŠA pasprabujuć siłaj viarnuć Krym Ukrainie, heta budzie aznačać pačatak Treciaj suśvietnaj vajny. Pra heta kandydat u prezidenty ZŠA ad Respublikanskaj partyi Donald Tramp zajaviŭ na sustrečy z prychilnikami ŭ štacie Ahajo, pieradaje RBK.
Tramp abvierh presu, jakaja naśmichałasia, byccam palityk nie viedaje, pra dałučeńnie Kryma ŭ 2014 hodzie da Rasii. «Ja viedaju heta dakładna. Heta było prykładna dva hady tamu. Prykładna», — adznačyŭ Tramp.
Zhadku, što Krym raniej naležaŭ Ukrainie, jon prakamientavaŭ nastupnym čynam: «Tak, dobra, heta było dva hady tamu. Ja maju na ŭvazie, vy chočacie ŭsio viarnuć nazad, vy chočacie pačać Treciuju suśvietnuju vajnu, kab atrymać jaho nazad?». Pry hetym Tramp niekalki raz nahadaŭ, što ŭsio heta adbyvałasia «padčas dziažurstva Abamy».
Taksama na mitynhu ŭ Ahajo Tramp čarhovy raz vystupiŭ za sajuźnickija adnosiny z Rasijaj. Na jaho dumku, ZŠA i Rasija razam mohuć pieramahčy «Isłamskuju dziaržavu». Da takoha sajuza, na jaho dumku, mahli b dałučycca i inšyja krainy.
Raniej paviedamlałasia, što Tramp abiacaŭ, staŭšy prezidentam, razhledzieć pytańnie ab pryznańni Kryma častkaj Rasii.
Ciapier čytajuć
Pieršaha namieśnika hiendyrektara «Biełviesta» pasadzili na try z pałovaj hady za palityku5
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1616
Kamientary