Pačatki dziaržaŭnaści Biełarusi, jak i hieniezis biełaruskaj nacyi, — heta tema, u aśviatleńni jakoj navukoŭcy rašuča prajhrajuć ideołaham roznych maściej, prapahandystam i intelektualnym šuleram. Čaho tolki možna pačuć na hety kont! Što Biełaruskuju dziaržavu stvaryŭ Lenin, abo niamiecki kajzier Vilhielm. Abo što niezaležnaści Biełarusi damahaŭsia polski hienštab, amierykanskaje CRU abo nacyscki złačynca Alfred Rozienbierh.
Šmat hłupstvaŭ možna pačuć i nakont farmavańnia terytaryjalnaha kštałtu Biełarusi. U masavaj śviadomaści bytujuć ujaŭleńni, što Mahiloŭ ci Viciebsk biełarusam padaravała Rasija — i heta pry tym, što ciaham svajoj tysiačahadovaj historyi hetyja harady tolki krychu bolej za 100 hadoŭ znachodzilisia ŭ składzie Rasijskaj impieryi. Naša novaja akcyja prymierkavanaja da adnoj z vyznačalnych viechaŭ u adnaŭleńni najšoŭšaj biełaruskaj dziaržaŭnaści — uhodkaŭ Dekłaracyi ab dziaržaŭnym suvierenitecie. Viarchoŭny Saviet BSSR uchvaliŭ hety dakumient 27 lipienia 1990 hoda, zaćvierdziŭšy viaršenstva dziaržaŭnaj ułady i prava Biełarusi ŭ miežach jaje terytoryi. 25 žniŭnia 1991 hoda Dekłaracyja atrymała status kanstytucyjnaha zakona. Nieŭzabavie Biełaruś stała niezaležnaj dziaržavaj. Z 1991-ha pa 1996 hod Dzień Niezaležnaści adznačaŭsia mienavita 27 lipienia. U ramkach prapanovy da 14-ha žniŭnia možna kupić kamplekt z 4-ch tematyčnych vydańniaŭ usiaho za 19.90 BYN (199 000 BYR)! Rej u našaj novaj akcyi viaduć prafiesijnyja i kampietentnyja navukoŭcy. Dziakujučy ich usioabsiažnym daśledavańniam možna krok za krokam prasačyć historyju abviaščeńnia niezaležnaści Biełarusi, a taksama palityčnyja padziei, jakija razharnulisia paźniej — prezidenckija vybary 1994 h., refierendumy, i ŭstalavańnie kansalidavanaha aŭtarytarnaha režymu, jaki isnuje ŭ krainie až da siońnia. Vašaj ŭvazie prapanujecca fundamientalnaja manahrafija «Palityčnaja historyja niezaležnaj Biełarusi», krynicaznaŭčaje daśledavańnie «Apazicyja BNF u Viarchoŭnym saviecie 12 sklikańnia», zbornik «Hieapalityčnaje miesca Biełarusi ŭ Jeŭropie i śviecie», a taksama tematyčny vypusk «Aŭtarytarnaja dziaržava i hramadzianskaja supolnaść».
Palityčnaja historyja niezaležnaj Biełarusi (da 2006 h.) / Pad ahulnaj red. V. Bułhakava. — Biełastok: Biełaruskaje histaryčnaje tavarystva; Vilnia: Instytut biełarusistyki, 2011 — 1228 s.
Hetaje vydańnie pakul nie maje anałahaŭ. U im nadzvyčaj detalova i abjektyŭna raskryvajucca asnoŭnyja aśpiekty palityčnaj historyi Biełarusi pamiž 1990 i 2005. ŹMIEST
Apazicyja Biełaruskaha Narodnaha Frontu ŭ Viarchoŭnym Saviecie Biełarusi CHII sklikańnia: dakumienty, fakty, kamientaryi / układańnie A. V. Kurjanoviča. — Smalensk: Inbiełkult, 2015. — 800 s.
Kniha daje paŭnavartaje ŭjaŭleńnie pra rolu parłamienckaj apazicyi Biełaruskaha Narodnaha Frontu ŭ Viarchoŭnym Saviecie Biełarusi CHII sklikańnia ŭ tahačasnaj palitycy ŭ cełym i zdabyćci niezaležnaści ŭ pryvatnaści. Vašaj uvazie prapanujecca analityčny narys na hetuju temu, a taksama šmatlikija dakumienty. ŹMIEST
№ 4 (137) — 2015. Nieraŭnapraŭnaje partniorstva: dziaržava i hramadzianskaja supolnaść pry kansalidavanym aŭtarytaryźmie
Tematyčny numar, pryśviečany analizu isnavańnia hramadzianskaj supolnaści ŭ Biełarusi za apošnija 15 hadoŭ va ŭmovach kansalidavanaha aŭtarytaryzmu. Źviartajuć uvahu artykuły Vadzima Smoka «Baraćba za «biełaruskaść»: vyniki dziejnaści kulturnych NDA», Vadzima Byliny «Futbolnyja fanaty jak prykład niepadkantrolnaj uładam supolnaści va ŭmovach aŭtarytarnaha režymu», Natalli Vasilevič «Zaviedama nieraŭnapraŭnyja: Carkva i dziaržava ŭ Biełarusi pary kansalidavanaha aŭtarytaryzmu», inš. ŹMIEST
Hieapalityčnaje miesca Biełarusi ŭ Eŭropie i śviecie / Pad red. V. Bułhakava — Varšava: Wyższa Szkoła Handlu i Prawa im. Ryszarda Łazarskiego w Warszawie, 2006. — 242 s.
Kniha «Hieapalityčnaje miesca Biełarusi ŭ Eŭropie i śviecie», jak i vynikaje z zahałoŭka, pryśviečana hieapalitycy. Siarod źmieščanych u joj artykułaŭ adznačym analizy Itana S. Berhiera «Razychodžańnie pamiž palitykaj słovaŭ i spravaŭ: niepryznańnie Złučanymi Štatami vynikaŭ prezydenckich vybaraŭ u Biełarusi ŭ sakaviku 2006 h.», «Apošniaja dyktatura ŭ Eŭropie» — heta Zachad surjozna?» Mikoły Rabčuka, «Biełaruś: anatomija preventyŭnaha aŭtarytaryzmu» Vitala Silickaha, «Biełaruś pamiž «kalarovaj revalucyjaj» i «kontrrevalucyjnaj technalohijaj» Endru Ŭiłsana, «Rehijanalnyja adroznaści ŭ kantekście vynikaŭ prezydenckich vybaraŭ 1994, 2001, 2006» Andreja Kazakieviča, «Prastora biełaruskaha palityčnaha dyskursu i jaho vizualnyja i perfarmatyŭnyja elementy» Imkie Hansen, «Biełaruś: dziaržava, ale jašče nia nacyja» Ryhora Jofe, «Moj rejtynh eŭrapiejskich nacyjaŭ na pačatku XXI stahodździa» Aleha Łatyšonka, «Ci jość u Biełarusi biełarusy?» Devida R. Marpłza, «Pamiž łukašyzmam i nacyjanalizmam» Piatra Rudkoŭskaha. ŹMIEST
Akcyja praciahniecca da 14 žniŭnia.
Pra toje, jak atrymać vydańni, čytajcie na sajcie Arche.
