Vyjava «razumnaha hadzińnika» Samsung dziŭna padobnaja na Apple Watch. Zajaŭka na patent apublikavanaja na sajcie Biuro patentaŭ i handlovych marak ZŠA, na jaje źviarnuła ŭvahu vydańnie Business Insider.
Patentnaja zajaŭka apisvaje sposab macavańnia «razumnaha hadzińnika» da ramieńčyka. Hrafika źjaŭlajecca nie samaj važnaj častkaj dakumienta, na bolšaści malunkaŭ kłasičnaja pryłada biez apaznavalnych znakaŭ.
Adnak na dźviuch vyjavach jaŭna Apple Watch, a nie pryłady Samsung. Supadaje ŭsio: forma ekrana, śpiecyfičnaje kołca i navat ramieńčyk.
«Čarciažy-dvajniki ŭ zajaŭcy na patent navodziać na dumku, što inžyniery Samsung pa mienšaj miery natchnialisia razumnym hadzińnikam Apple», — adznačaje ahladalnik Business Insider.
Samsung nie ŭpieršyniu abvinavačvajuć u «natchnieńni» čarciažami Apple. U 2011 hodzie Apple abvinavaciła Samsung u tym, što taja vykarystoŭvała elemienty dyzajnu iPhone pry stvareńni smartfona Galaxy S II, i sud pastanaviŭ vypłacić stvaralnikam iPhone 930 miljonaŭ dalaraŭ. Paźniej suma kampiensacyi była źmienšanaja amal udvaja, adnak Samsung dahetul sprabuje damahčysia pierahladu spravy.
Ciapier čytajuć
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary